Making Kithul Treacle | කිතුල් පැණි හදන හැටි | ගල්ලෙනක දින දෙකක් | 4K

නියම කිතුල් පැණි සොයා මහා වනාන්තරයට ගිය සංචාරය
(කිතුල් වාඩියක් වූ ගල් ලෙනක දින දෙකක්)

"තොපි මස් කන්නද කලින් ගියේ?.." මීටර් විස්සකට වැඩි කිතුල් ගහ මුදුනේ සිට කලු මාමා මොර දුන්නේ අපට පෙර ගල් ලෙන දිහාවට ගිය කලු මාමාගෙ දරු දෙදෙනාට යි. "මේ තේලිය භාජනේ අරං පල.." "තොපි ආයෙම ඇවිත්.." යැයි නැවතත් මහ හඩින් කෑ ගැසුවේ මහා වනාන්තරය පුරා රැව් දෙමින් තිබූ රැහැයි හඩ මදකට නවතාලමිනි. මේ කතා බහ සහ සිදුවීම අදටත් මාගේ දෙසවන් තුල සහ හදවත පුරා රැව් පිළිරැව් දෙන්නේ ඉතා ආදරණීය ලෙසයි. මක්නිසාද යත් ඒ සිදුවීම තුල ඇත්තේ පියෙකු සහ දරුවන් අතර ඇති ආදරණීය භූමිකාව යි. කැලේ කොලේ හොදින් හදුනන පියකු ලැබීමත් මේ දරුවන්ට වාසනාවකි. එමෙන්ම මෙහි කතා නායකයා වූ "කලු මාමා" මෙතෙක් මා හට හමු වූ ගහ කොල ගැන දන්නා අය අතර දැනුමෙන් පරිපූර්ණ අයෙකි. මේ ලියා තබන වචන තුලින් මා හට මා ලද අත්දැකීම සම්පූර්ණයෙන් ම ලබා දිය නොහැකි උවත්, මා ලද අත්දැකීම මෙලෙසකින් හෝ ලියා තැබීම මතු අනාගතයේ කැලයට කොලයට ආදරය කල සහ වනාන්තරය රැක බලාගත් "කලු මාමා" වැනි අය ජීවත් වුනා යැයි කීමට සාක්ෂි සාධක සපයනු ඇත. එබැවින් අවසරයි ලියා තබන්නට කිතුල් මලේ රස කථාව , මහා වනාන්තරයක ගල් ලෙනක සිට.

This is an incredible story of Sri Lankan villagers making authentic Kithul palm treacle. We were fortunate to glimpse every step of obtaining the kithul palm treacle, from extracting sap from the palm flower to the end product of dark syrup. I hope you will enjoy the traditional way of making kithul treacle.

Greetings
I am Dinesh