#1000production #trend #birivar
Videoda Eylence TV yutub kanalındakı videomaterillardan ( • Видео ) istifadə edilmişdir.
Videoda ANSPRESS TV yutub kanalındakı videomateriallardan ( • Mehriban Xanlarova və Kərim ) istifadə edilmişdir.
Videoda Azərbaycanfilm yutub kanalındakı videomateriallardan ( • Sahilsiz gecə (1989) ) istifadə edilmişdir.
O, uşaqlıqdan ağır həyat yaşayır, anası da, atası da lal və kar olur... Ana laylası eşitməyən aktrisa özü də balasına layla deyə bilmir.
Biri var, hər nə qədər qalmaqallarla gündəmə gəlsə də, həyatından kədər bir an da yan keçməyən aktrisa, əməkdar artist Mehriban Xanlarova...
Xanlarova Mehriban Aslan qızı 1967-ci il, avqust ayının 12-də Bakıda anadan olub.
Zeyilənə görə, “Sahilsiz gecə”nin yaradıcı heyəti filmin müdafiəsi zamanı rejissoru tək qoyublar. Bəlkə də, bu səbəbdən həmin film illərlə rəflərdə qaldı, ekranlara çıxa bilmədi. Filmin çəkilişləri vaxtı isə aktyorlar rejissorun xasiyyətini bildiklərindən nizam-intizamla işləyirdilər. Şahmar Ələkbərovun xanımının sözlərinə görə, rejissor Zibeydənin cavan vaxtını ifa eləməyi Mehriban Xanlarovaya həvalə etmək istəyəndə, Ənvər Əbluç ona deyib ki, onu çəkmə, "Bircəciyim" filmini çəkəndə gördüm ki, necə intizamsızdı, hər çəkilişə gecikəcək, sən də əsəbiləşəcəksən. Lakin Şahmar Ələkbərov öz seçimindən vaz keçmir. Mehriban Xanlarova isə bir dəfə də olsun çəkilişə gecikmir. Ümumiyyətlə, aktyorların hamısı çəkilişlər qurtarana qədər nizam-intizama tam riayət edirlər.
Aktrisa özü bu barədə danışarkən deyib:
"Azərbaycanda ilk dəfə filmdə fahişə obrazını mən oynamışam. "Sahilsiz gecə" filminə çəkiləndə 15 yaşlı gənc fahişə qız obrazını oynamışam. Filmdə açıq-saçıq səhnələr yoxdur. Amma bunu sözlərlə ifadə edirəm. Orada bir kadr var, oğlanın bacısına deyirəm, get qardaşına de ki, mən fahişəyəm. Filmdən sonra hamı başladı mənə namus dərsi keçməyə. Dəstə yığıb, filmin rejissoru Şahmar Ələkbərovun üstünə getdilər. Xəbər çıxdı ki, guya məni döyüblər. Amma heç kim məni döyə bilməzdi. Həmin filmə görə Pribaltikada mənə mükafat verdilər, dedilər, nə gözəl oynamısan. Amma Azərbaycanda məni daş-qalaq elədilər. Mən peşəkar aktrisayam, istədiyim qonorarın müqabilində açıq-saçıq səhnələrə çəkilərəm".
Sinxron: 19:37 – 19:48 • Sahilsiz gecə (1989)
Əməkdar artist bir dəfə ailəli olub. O, 2003-cü ildə müğənni Lalə Dadaşovanın oğlu Zaurla ailə qurub. Beş il bir yerdə yaşayan cütlük 2008-ci ildə boşanıblar. Bu barədə o, müsahibələrinin birində deyir:
“Biz onunla ayrılmışıq. Mənim üçün ölüb o. Bilmirəm yaşayır, ya ölüb. İndi də istəsəm qayıdar. İki dəfə onu bağışlamışam. Yoldaşıma görə 4 il sənəti atdım. Çox peşmanam. Mənə gələn bütün ssenariləri geri çevirirdi. Onun anası ucbatından boşandım. Sənətimdə də, ailə həyatımda da çox peşmanlıqlar yaşamışam. Danışsam, gərək hönkür-hönkür ağlayam”.
Müğənni Lalə Dadaşova isə keçmiş gəlini Mehriban Xanlarova barəsində danışarkən deyib:
“Mehriban xanım gəlinim olub. Burda nə var ki? Mehribanı çox istəyirəm. Bu evlilik 20 il qabaq olub. Oğlumla aralarında yaş fərqi vardı. Zaur mənə gəlib deyəndə ki, Mehribanla evlənmək istəyirəm, narazılıq etdim. Dedim ki, qətiyyən olmaz. Oğlum dedi ki, öldü var, döndü yoxdur. Mehribanı tanıyandan sonra beş əlli evlənmələrinə razı oldum. Övladları olmadığı üçün ayrıldılar. Bəzi jurnalistlər istəyirlər ki, aramıza qalmaqal salsınlar. Mehriban Xanlarovaya elçi gedib, onu oğluma almışdım. Amma həyat belə gətirdi ki, ayrıldılar. Ayrılığın əsas səbəbini isə deyə bilməyəcəm. Bu, Mehribanla oğlum arasında olan bir məsələdir. Heç vaxt onların işinə qarışmamışam”.
Mehriban Xanlarovanın övladı olmayıb. O, rəhmətə gedən bacısı Sevdanın qızını övladı kimi böyüdüb. Bu haqda müsahibələrində deyir:
“Mənim cavan bacım rəhmətə gedəndə 3 yaşlı qızı qaldı. Vəsiyyət etdi ki, səndən başqa uşağıma heç kim baxmaz. Xərçəng var idi ağciyərində. Cəmi 21 il yaşadı. Mən onun övladını böyütdüm. Bir nəvəm də təzə oldu. 5 övladı var, hamısına mən baxıram. Ailəli olan vaxtda fikirləşirdim ki, öz övladım olsun. Həkimlərə də getdim. Amma içimdə dərd etmədim ana olmadığımı. Bu gün də həkimə getsəm, ana ola bilərəm. Mən sonsuz deyiləm. 3 dəfə uşağımı itirmişəm. Mən ana ola bilərdim. Üstünə düşmədim. Müalicə etsəydim, övladım olardı. Anamın 86 yaşı var. O, lal-kardır. Kaş ki, anam bir gün danışardı mənimlə.Atam elə bilirdi, efirə çıxıram deyə mənim pulum var. Heç o vaxt maaşımız da yaxşı deyildi. O da lal, kar idi. 76 yaşında xərçəngdən öldü. Olub ki, evə gec gəlirdim. Qapını döyürdüm, eşitmirdi. Telefonun işığın pəncərədən evə salırdım”.
24 dekabr, 2002-ci ildə Azərbaycan Respublikasının Əməkdar artisti fəxri adına layiq görülüb.
Aktrisamıza dilədiyi obrazlara qovuşmağı arzu edirik
Информация по комментариям в разработке