Скачать или смотреть الموازين الجبال و رواسي ما تزيح - فايز الدوسري | 2025

الموازين الجبال و رواسي ما تزيح - فايز الدوسري | 2025
يابن مدلج راية العز لا يمكن تطيح
يوم يبقى للبيوت الكبار ركونها

والله انا مانعد الكلام الا الصحيح
والصحيح يعد للسالفه قانونها

يافهد يابن سند فيك مضمون المديح
والقصايد والله انك خذيت عيونها

مدلجيٍ في حرى الطيب ماهو مستريح
وقد كسبها قدم ناسٍ وهم يبغونها

المراجل ما تبي راعي الكف الشحيح
تطلب اللي لا ولعت نارها ياطونها

من يباها جلسه وهرجه وهبات ريح
لا يدور للهقاوي وهو من دونها

المواقف كان ما زندها يقدح قديح
جمرةٍ ماهي بتركب على غليونها

والقصايد زبدة الهرج والقول الصريح
ومع طلال الطايله بايحٍ مكنونها

ارجح لاجاء من الضيق فالصدر الفحيح
قال سندها عليه وهي يا هونها

ويا فهد يزهاك بشتٍ على الكتف الرجيح
وفيك عين المرجله ماتخيب ضنونها

انت جدانك خذوها من الفعل الصريح
والمجالس لاحضرو صدرها يملونها

يوم فالاكوان هذا قتيل وذا جريح
ربعي افعال ومواقف عظيمٍ كونها

الموازين الجبال و رواسي ما تزيح
وظل وافعالٍ جميع العرب يلقونها

من مطير وكم سدٍ على الطاري يبيح
الكرامه ساسها والوفا مضمونها