ወረብ ዘልደተ ክርስቶስ Lidete Kristos Wereb

ወረብ ወአመላለስ ዘልደተ ክርስቶስ
አመ ፳ወ፱ ለታኅሣሥ

አመላለስ ዘዋዜማ
ዮም ተወልደ መድኃኔ ዓለም፣
ዮም ተወልደ ከሣቴ ብርሃን።

አመላለስ ዘሰላም
መድኃኒነ ተወልደ ነዋ፣
ይእዜኒ ለሰላም ንትልዋ።

ርእይዎ ኖሎት ርእይዎ ኖሎት አእኰትዎ መላእክት፣
ዮም ሰማያዊ በጎል ሰከበ ለዘተወልደ እምቅድስት ድንግል።

በጎል ሰከበ በአጽርቅት ተጠብለለ ኀደረ ማኅፀነ ድንግል፣
እፎ ተሴሰየ ተሴሰየ ሀሊበ ከመ ሕፃናት ተሴሰየ።

ሃሌ ሉያ ሃሌ ሉያ ንሰብክ ወልደ እምዘርዓ ዳዊት፣
ወተወልደ በሥጋ ሰብእ።

ውስተ ማኅፀነ ድንግል ኀደረ ውስተ ማኅፀነ ድንግል ኀደረ ሥጋ ኮነ፣
ወተወልደ በሥጋ ሰብእ ሥጋ ሰብእ በሥጋ ሰብእ።

አመላለስ ዘዚቅ
አንፈርዓፁ ሰብአ ሰገል አንፈርዓፁ ሰብአ ሰገል፣
አምኃሆሙ አምጽኡ መድምመ።

ትምክህተ ዘመድነ ትምክህተ ዘመድነ በወሊዶተ ዚአከ፣
ይእቲ እግዝእትነ እግዝእትነ ማርያም ድንግል።

አመላለስ ዘአንገርጋሪ
ዮም ፍሥሐ ኮነ በእንተ ልደቱ ለክርስቶስ፣
እምቅድስት ድንግል ድንግል ውእቱ ኢየሱስ ክርስቶስ።

አመላለስ ዘእስመ ለዓለም
ሰብአ ሰገል አምጽኡ ሎቱ ጋዳ፣
ሰብአ ሰገል አምጽኡ ሎቱ አምጽኡ።

ዓዲ
ሰብአ ሰገል አምጽኡ ሎቱ ጋዳ፣
ወይትሐሠያ አዋልደ ይሁዳ።

ወረብ ዘእስመ ለዓለም
ተወልደ ኢየሱስ በቤተልሔም በቤተልሔም ዘይሁዳ በቤተልሔም፣
አዋልደ ጢሮስ አሜሃ ይሰግዳ በቤተልሔም።

አመላለስ ዘዕዝል
ቤዛ ኵሉ ዓለም ዮም ተወልደ፣
ቤዛ ኵሉ ዓለም ዮም ተወልደ።