Azərbaycanda “qırmızı qurd eşənəyi” can aldı - HƏKİMDƏN AÇIQLAMA

#azərbaycan #virus #xəstəxana #Lupus #neftçala #ölüm #epidemiya #todaypress #todaypresstv #xəbərlər #sosial #siyasət #idman #maraqlı #iqtisadiyyat #faydalı #sonxəbər #gündəm #aktual #news #video

Azərbaycanda “qırmızı qurd eşənəyi” (Lupus) xəstəliyindən ölüm faktı qeydə alınıb. Neftçala rayonunun Həsənabad qəsəbə sakini, 1975-ci il təvəllüdlü Eldəniz Məmmədov ağır vəziyyətdə Neftçala rayon Mərkəzi Xəstəxanasına gətirilib və orada ölüb. İlkin məlumata görə, o, “qırmızı qurd eşənəyi” xəstəliyindən vəfat edib. Faktla bağlı araşdırma aparılır.

Hadisə ilə bağlı TodayPress-ə danışan həkim, professor Adil Qeybulla “qırmızı qurd eşənəyi”nin ağır xəstəliklər qrupuna aid olduğunu bildirib:

“Xəstəlik zamanı üzdə yaranan qırmızı səpkilər qurd dişləməsinə bənzədiyi üçün xəstəlik “qırmızı qurd eşənəyi” kimi adlandırılıb. Bu, yoluxucu xətəlik deyil. Yaranma səbəbi hələ də dəqiq bilinmir. Revmatik xəstəliklər qrupuna aiddir. Xəstəliyin müalicəsi əsasən immun sisteminin vəziyyətinə uyğun aparılır”.

Həkim qeyd edib ki, “qırmızı qurd eşənəyi”nə yoluxan şəxsin orqan toxumaları zədələndiyi üçün xəstəlik qısa müddətdə bütün orqanizmə yayılır:

“Burada əzələlərin, oynaqların hərəkətində dəyişikliklər yaranır. Müalicə xəstəliyin inkişafını dayandırmaq, həyati ağırlaşmaların qarşısını almaq və simptomları aradan qaldırmaq üçün tətbiq olunur. Müalicə xəstəliyin şiddətinə uyğun olaraq, hər bir xəstə üçün xüsusi qaydada aparılır. Ona görə də erkən diaqnoz böyük əhəmiyyət kəsb edir”.

Qeyd edək ki, “qırmızı qurd eşənəyi” (Lupus) autoimmun xəstəlikdir. Kapilyarların genişlənməsindən sonra üzdə qızartı və bəzən dərinin şişməsi şəkilində özünü göstərir. Oynaq ağrıları, qırmızı yaralar kimi əlamətləri var.