Скачать или смотреть مهداة الى الشيخ عبدالله بن مهدي الكيرعاني كلمات رائد الكيرعاني اداء جفران بن هضبان

يالله يا منجي هل التوحيد من جملة عبيده
جاعل الدنيا متاع وجاعل الفردوس راحه

اكفنا من فتنة الشيطان وخطاه المريدة
بالصلاة وبالدعا والله يقدرنا كفاحه

نتقدا بالزحول اهل التواريخ التليدة
في سيرهم ياجد الرجال ونسه و انشراحه

أما مقطوع الرجا اللي ماش فعل في رصيده
لا ندور منه راي ولا نعاين ل اقتراحه

يا عذولين الرجال من النواميس الفريدة
دامكم من حجرة الصالة ل جلسة الاستراحة

لا تعذلون القروم اللي هقاويهم بعيده
والله يا من صاح منكم ما استهمّو من صياحه

لو تضم المال علمنا وش اللي تستفيده
النهاية متر في مترين هذا اكبر مساحة

نعنبو جد الدراهم والله ما تصنع وليده
الرجل يفعل وتكفيه العرب قصة نجاحه

العزايم والعموق النادرة بيت القصيدة
والبحر ما يِغرق الا اللي يغرّون السباحة

يا سلامي يا مواقفنا القديمة والجديدة
ثم بعدها يا مسا خير الفخر ولا صباحه

يا حفيد الشايبين اللي مغازيهم بعيدة
روس جدّاني يوم ان الخوف مطلوقٍ سراحه

من خذا ثاره من أعدا بوه و دروعه جويده
وردة حياض المنايا ماهي ب رحلة سياحه

ومن نزَل وسط العرين وحطّ له نار وقيده
للطروش وللطراقي عيلم ينعش قراحه

يا بو رائد يا عدوّ البخل والكفّ الزهيدة
فرحة اللي حاودوه القوم وافتكو سلاحه

يا عجبنا كلنا عند المهمات العنيدة
انت والله متعب عيالك لكن تعبك راحه

فيك من نور القبول وفيك من صدق العقيدة
وفيك من هيبة ولاة الامر وأصحاب السماحة

والثقة والحزم والصملات في وجه المكيده
وهبة اللي يلهمك راي ما تخطيه الرجاحه

يا حريب الذلّ واللي ينقص العلم ويزيده
من وصوفك يستعزّ المدح وتحضر الفصاحة

كل مدحٍ فارق بين المدايح يرفع ايده
وان صقلته صار من دونك لا جينا للصراحة

عاش راس يدّجر عند الزهم ويبين جيده
من اركون عيال ابن مكرع لا جاء للصيت ساحه

عزوة ميقافهم يفرُق و صوكتهم شديدة
من وزا في ضفّهم صلف الهوا جنّب مراحه

دون ربعه كل ما صكّت حديدة في حديدة
أرخص الغالي وما حاشته يمناه استباحه

حط ّ بين زهير مضياف تفاخر به عبيده
ناذر انه ما يصك الباب من قبل افتتاحه

مجلسٍ لا وصله الطرقي يحصل ما يريده
صدر ابو رائد عطا مساحته فوقه مساحه

افتخر يومه يشوف اني على الدنيا عضيده
وانا والله م الحَقه لوّ اتقوّى من نجاحه

اتذكر ببت ابن عبّاس واردّه و اعيده
وادري انه معتلي واني شعرةٍ في جناحه

كني اللي رافع البيرق مع غزو الحديدة
يوم ادنق راسي اقبل يديه بكل راحه