خالد آل بريك & عبدالعزيز الوذيناني - سهوم المنايا | الأول انقاله الله تلطمه تلطمه | العرمات 2024

الحسابات الرسمية لـ قناة سعود البقمي
Whatsapp :
https://iwtsp.com/966502927899
Alfanlink :
https://alfan.link/saudalbaqmi
_______

كلمات الشاعر / عبدالعزيز الوذيناني
اداء / خالد ال بريك
___

منقية العرمات لـ رجل الأعمال/
مطلق بن عريمان السمي البقمي

..

اهب ياهاجسً مايضوي الا هجاد
اليا امسوا الناس جاله في الضلوع حدمه

تقول في صدري المكبوت مثل الطراد
لزمل هبد وهدير وللخيول رهمه

الله من ليلتن حاربت حلو الرقاد
وسريتها مع وحوش الليله المضلمه

اليا طرالي فعول أهل السيوف الحداد
يشوش راسي وصدري دوب ارد نسمه

وشلون ماشوش وجيب البيوت الجداد
ونا عتيبي مسند والخوال دهمه

دايم سهوم المنايا تحتمي كل ماد
وطلق شنب قدمهم يسكت مايفتح فمه

والاد سامي صعوط اللي برأسه عناد
حماية الطارف اللي مايطيح علمه

بدو الجزيره من سنين الكبد والجهاد
ماهي بداوة زمان العلم والعولمه

يرجع لهم كل علم ؤكل رايً سداد
يامكبر اسم السمي والفعل يامعظمه

واليوم في مزاين الطايف ونفح البراد
كل القبايل تدور كفو وتقدمه

ولاد سامي تقدمهم صقور الهداد
محزم ظفر سعد منهم في اللقاء محزمه

مطلق وزيد اشهر رموز الكرم في البلاد
والرجل يشهر بفعل يمينه وبكرمه

اخذو بالافعال صطوة طارق بن زياد
وايمانهم جودها تشبه لسيل الرمه

تفني عيال العشاير مقرعات التواد
والشاوي يربحونه في عيال غنمه

دايم ومركزهم الاول بكل اجتهاد
لين امتلا المجلس العامر من الاوسمه

قالو ياعبدالعزيز أشهر بصوتك وناد
علم هل الوضح ولي مادرا علمه

ذوي عريمان في الميدان قدم العباد
يبرون للي تدك الخصم ماترحمه

(على الوعد جتكم العرمات علمً وكاد
والله من خشم مطنوخً تبي تعرمه

نار التنافس تساعر ماتعود رماد
والأول انقاله الله تلطمه تلطمه)

اليا اقبلت وحدتهن في وساع الحماد
من الولع كنها تاطا ارضن ملغمه

ولا مثل بنت شيخً من شيوخ الشداد
شيخً يقول الاوامر والعرب تخدمه

نوادر زينها راهي ورق وسناد
متشطره عن جميع اللبل ومتقدمه

تدجر على صوت اهلها جعلهم في المراد
الواحده كن صايبها كبر وزعمه