ពិធី​អាពាហ៍​ពិពាហ៍​ស្រុក​ថៃ​និងខ្មែរ​ខុសគ្នា​យ៉ាង​ណា? |Kimkanikar​

#ប្រពៃណីក្លែងក្លាយឃ្វាលមនុស្ស

ការរស់នៅក្នុងសង្គមសព្វថ្ងៃ មនុស្សភាគច្រើនកំពុងរង់ការទទួលការឃ្វាលដោយប្រពៃណី ហេតុអ្វីបានជាខ្ញុំប្រើពាក្យថាឃ្វាល ព្រោះឃ្វាលប្រើសម្រាប់តែនិងសត្វ ដូចជា ទារ គោ ក្របី ។ល។

ចុះហេតុអីបានជាមកប្រើនិងមនុស្សទៅវិញ ?

#អានហើយគិតតាមដោយបញ្ញា

មនុស្ស ( ម្ចាស់ )ឃ្វាលសត្វឲ្យទៅតាមទិសដៅដែលមនុស្សចង់ឲ្យទៅហើយសត្វតែងមានអនុវត្តតាម មិនដូច្នោះទេមនុស្សដែលជាម្ចាស់នឹងដាក់ទោសប្រសិនមិនធ្វើតាម

តែប្រពៃណីមិនបានបញ្ញតិដាក់ទោសមនុស្ស ដូចមនុស្សដាក់ទោសសត្វឡើយ
តែមនុស្សបែជាខ្លាច ហើយព្យាយាមអនុវត្តតាម ទោះមិនសប្បាយចិត្ត មិនពេញចិត្តតែក៏ព្យាយាមផ្គាប់ចិត្តសង្គមដែរ

ដូចជាកូនរៀនពូកែគឺកូនល្អ ចុះកូនរៀនមិនពូកែមិនមែនកូនល្អមែន ?

គេមានអី ត្រូវមានដូចគេមិនដូច្នោះទេ ខ្លាចចូលសង្គមគេមិនចុះ

#អ្នកទៅញ៉ាំការ ស្លៀកសំលៀកបំពាក់ធម្មតាមិនហានទេ ខ្លាចគេសើចចំអក
ខ្លាចគេមើលងាយ ចុះសួរថាអ្នកណានឹងមើលងាយអ្នក ហើយអ្នកនោះមានឥទ្ធិពលនិងជីវិតដល់ថ្នាក់ត្រូវយកចិត្តទុកដាក់ដល់ម្លឹងផង ??

#ចាត់រោងការ ពេលមានពីធីកម្មអ្វីម្យ៉ាង យកមុខមាត់សិន ខ្លាចមិនសាកសម្យនិងមុខមាត់ ខ្លាចសង្គមជុំវិញខ្លួនមើលងាយ ទាំងខ្លួនឯងហ្នឹងមានបំណុល មានបន្ទុកត្រូវទទួលខុសត្រូវរាប់មិនអស់ តែធ្វើយកមុខសិន

#សំបុត្រធៀបការ ធ្វើដេញជើងគ្នាយកមុខមាត់ខ្លាចគេថាខ្លួនអន់ តែនោះស្មើរនិងអ្នកត្រូវចំណាយបន្ថែមនិងរឿងឥតប្រយោជន៍ ព្រោះដើម្បីលើកមុខមាត់តែប៉ុណ្ណោះ អ្នកមានពិតគឺម្ចាស់រោងបោះពុម្ភ

#ភ្ញៀវ ក្រោយពីបានទទួល សំបុត្រធៀបការហើយ ពេលទៅចងនាំគ្នាចងយកមុខមាត់ ដាក់តិចខ្លាចគេមើលងាយទៀតហើយ សួរថាចុះអ្នកខ្លាចគេធ្វើអ្វី
បើសិនជាអ្នកឲ្យតម្លៃចំណាយពេលដ៏មានតម្លៃទៅចូលរួមជាសាក្សីក្នុងឱកាសសំខាន់របស់គេហើយនោះ ហើយអ្នកខ្លះពេលចងដៃគេច្រើនតាំងពីព្យាយាមហូបច្រើនឲ្យសមនិងទឹកប្រាក់ដែលចង ​តែផលដែលបានគឺ ហូបច្រើនកើនជំងឺ ផឹកច្រើនកើនរោគ ថែមទាំងប្រឈមនឹងគ្រោះថ្នាក់ចរាចរណ៍ព្រោះការបើកបរពេលស្រវឹងផងដែរ ( ងាប់ម្នាក់ឯងមិនថាទេ តែភាពម៉ាក់ងាយរបស់គាត់តែងនាំវិបត្តិមកដល់ជនបរិសុទ្ធមកច្រើនណាស់ហើយ )

#មិត្តលើតុអាហារ ពេលទៅចូលរួមពិធីជប់លាងខាងក្រៅជាមួយអ្នកដទៃ ដឹងថាខ្លួនឈឺ ពេទ្យហាមមិនឲ្យសេពគ្រឿងស្រវឹងគ្រប់ប្រភេទ គ្រោះថ្នាក់ ប៉ះពាល់
។ល។ តែពេលមិត្តស៊ីផឹកនាំជុលកែវ បែមិនហានប្រកែក ខ្លាច..............សួរថាខ្លាចអ្វីលោកព្រះ ???

តបបដិសេធគេត្រង់ៗទៅវាធី ???
គេសម្លាប់អ្នកចោលមែន
គេមិនរាប់អ្នកមែន ចុះពេលអ្នកឈឺហ្នឹងពួកមិត្តស៊ីផឹកគេជួយបង់ថ្លៃថ្នាំការព្យាបាលផ្សេងៗមែន ?? ចុះពេលស្លាប់និងពួកអស់ហ្នឹងគេមកស្រែកត្រហូយំដូចប្រពន្ធកូនមនុស្សក្នុងគ្រួសារអ្នកមែន សួរថាខ្លាចអីមនុស្សា ?

ធ្លាប់ដែលដេកយកដៃដាក់លើថ្ងាស់ហើយពិចារណាលេងៗអត់ថា តើអ្នកខ្លាចអ្វី
អ្វីទៅដែលធ្វើឲ្យអ្នកខ្លាច ហើយរាល់ទង្វើអស់ហ្នឹងធ្វើឲ្យអ្នកសប្បាយមែនអត់ ហើយអ្នកពិតជាពេញចិត្តមែន សួរលេងៗ បើសិនជាដឹងខ្លួនហើយ ក៏មិនមានហេតុផលអ្វីដែលអ្នកត្រូវធ្វើខ្លួនឲ្យគេឃ្វាលទៀត ពិតអត់
មនុស្សយើងមិនបានកើតមកដើម្បីផ្គាប់ចិត្តមនុស្សទូទាំងពិភពលោកនោះទេ
ហើយយើងក៏មិនបានខ្ចីច្រមុះអ្នកដទៃដកដង្ហើមដែរ រកប្រាក់ខ្លួនឯងចាយខ្លួនឯង រស់ដោយការតស៊ូដោយកម្លាំងញើសឈាមរបស់ខ្លួនឯង គ្មានហេតុផលអ្វីដែលត្រូវ តាមចិត្តអ្នកដទៃ

យើងជាមនុស្សមិនមែនសត្វកុំបណ្តោយឲ្យប្រពៃណីឃ្វាលយើងដូចសត្វ 🙃🙂😌

.

Contact me via :
Email :[email protected]
Line ID :kimchhon9
Telegram :+66 63-9292-624
Fan page :Chhon Kimkanikar