Скачать или смотреть نعت | حسن فطرت کو ہجوم عاشقاں درکار تھا | ام حبیبہ | احسان دانش | Radio Pak

Naat Husn e Fetrat Ko Hajoom e Aashiqan Darkar Tha
Naat Khawan Umm e Habiba
Poet Ehsan Danish
Copyrights Reserved with Central Productions Radio Pakistan
Radio Pakistan's Production & Presentation
  / centralprodu..  ,
   / radiopakist..  ,
http://www.radio.gov.pk,
حُسنِ فطرت کو ہجومِ عاشقاں درکار تھا
عاشقوں کو بہرِ سجدہ آستاں درکار تھا

زندگی تھی چلچلاتی دھوپ میں زار و زبوں
رہ روں کو سایۂ ابرِ رواں درکار تھا

بحر کو موتی ملے ، تاروں کو تنویریں ملیں
اس سخاوت کو شہ ہر دو جہاں ﷺ درکار تھا

اس بساطِ خاک کی نشوونما کے واسطے
اِک حکیمِ آب و گلﷺ ،اِک چہرہ خواں درکار تھا

کفر کے نرغے میں گھبرائی ہوئی مخلوق کو
ذاتِ برحق کا یقینِ بے گماں درکار تھا

اے زہے تقدیر ، یہ نکلا محمدﷺکا مقام
کوئی انسان و خدا کے درمیاں درکار تھا

حامیِ مخلوق سے خالق پہ اک آتی تھی بات
عاصیوں کو اِک شفیعِ عاصیاںﷺدرکار تھا

قافلے کو منزلِ انسانیت کے واسطے
نسلِ انساں سے امیرِ کارواں
ﷺدرکار تھا

زندگی پر کیسے کھل جاتے رموزِ زندگی
قولِ حق کو اُن کا اندازِ بیاں درکار تھا

منجمد تھی کب سے صحرائے عرب میں تِیرگی
حق نے پیغمبرﷺوہیں بھیجا جہاں درکار تھا

اُنﷺ سے ملتے ہی نظر، کافر مسلماں ہوگئے
اس کے معنی ہیں حرم کو پاسباں درکار تھا

دھوپ میں ڈھوئے تھے پتھر اس لئے سرکار ﷺنے
حشر کے دن رحمتوں کا سائباں درکار تھا

رحمتہ اللعالمینی سے جلے دل کے چراغ
اِنس و جاں کو خیر خواہِ اِنس و جاںﷺدرکار تھا

ہاں مرے سجدوں میں ہے دانش اسی در کی تڑپ
میری پیشانی کو اُنﷺکا آستاں درکار تھا

احسان دانش