Скачать или смотреть narayana nee daasula nadakalivi

narayana nee dasula nadakalivi
అన్నమయ్య అక్షర వేదం ..సంపుటి -- 25
( ANNAMAYYA AKSHARA VEDAM EPISODE - 25 )
( నారాయణ నీ దాసుల నడకలివి...... )

🙏🙏 ఓం నమో వేంకటే శాయ 🙏🙏
అందరికీ శుభ శనివారం ---✍️ మీ వేణుగోపాల్

అన్నమయ్య అక్షర వేదం ..సంపుటి -- 25 కి శుభ స్వాగతం .. మీ వేణుగోపాల్

🙏II అనన్యాశ్చింత యన్తో మాం
యే జనాః పర్యుపాసతే
తేషాం నిత్యాభియుక్తానాం
యోగక్షేమం వహామ్యహమ్. II 🙏

(ఏ జనులు నా‌కంటే‌ వేఱైన‌ వాళ్లు కాదని నన్నే చి‌ంతన చేస్తూ ఉపాసిస్తూంటారో ఆ అసక్తి కలవాళ్ల యోగక్షేమాన్ని నేనే వహిస్తాను)" (భగవద్గీత అధ్యాయం 9 శ్లోకం 22) అన్న భగవానుని ఉవాచను అనేక కీర్తనలలో సారముగా స్తుతించారు అన్నమయ్య.🙏

భక్తి కొద్దీ పర్మమాత్ముడు -- అని ఒక సంకీర్తనలో అన్నమాచార్యుల వారు అన్నట్టుగా ...

అసలు భగవత్ భక్తుల తీరు తెన్నులు ఎలా ఉంటాయో ఈ కీర్తనలో వివరిస్తూ .....
అట్టి రీతిగా నడుచుకుంటే భగవంతుడు అతి సులభుడుగా గోచరిస్తాడని చెపుతున్నారు.🙏🙏

ఓ నారాయణా !! నీ దాసుల నడవడిక ఎలా ఉంటుందంటే ,🌺

🌺వారికి ఈ లోకంలో నీ సేవ తప్ప వేరు విధమైన కార్యము లేదా ? అని అనునట్లు ఉందురు.🌺

🌺అంతరంగమున శ్రీహరి తలంపు ఒకటే ఉండును,
భగవంతుడు దరి చేరకపోతే వ్యాకులత చెంది ,విచారించి ,స్వామి సామీప్యము కొరకు ఆశతో ఎదురుచూచుచూ ఉందురు.🌺

🌺ఆ నీలమేఘశ్యాముడి కధలను వింటూ పరవశించి పోతూ,
తరువాత కూడా ఆ కధలలో లీనమైపోయి అదే భ్రమలో భక్తి పారవశ్యములో ఉండిపోదురు.🌺

🌺దయ కలిగిన వారై పరులతో వినమ్రతతో ఉంటూ ఆ నారాయణుని వారిలో చూచెదరు.🌺

🌺శ్రీహరి మహిమలను సదా స్మరిస్తూ, ప్రతీ పొద్దు స్వామిని వెతుకుచును ఉందురు.🌺

🌺శ్రీ వేంకటేశుని వద్దకు చేరి స్వామి సేవను గౌరవముతో , మిక్కిలి సంతోషముతో చేయుచూ ఉందురు.🌺

🌺గురువులతో...పెద్దలతో సత్సాంగత్యములో ఉంటూ
ఆ శ్రీ హరి దివ్య గుణగణాలను కొత్త కొత్తగా తెలుసుకుంటూ,
అన్నివేళలా నోరారా శ్రీ హరి నామ స్మరణము గావించుతూ ధన్యులగుదురు .🌺

తాత్పర్య సహిత దృశ్య మాలికగా మీకు అందించాలన్న
నా చిన్న ప్రయత్నమును ఆశీర్వదిస్తారని ఆశిస్తూ..
దోషములున్న...మన్నించమని విన్నపము...

అన్నమయ్య అక్షర వేదం --- సంపుటి 25 )
-- ✍️✍️ మీ వేణుగోపాల్

🙏🙏🌺 *సంకీర్తన*🌺🙏🙏

నారాయణ నీదాసుల నడకలివి
ధారుణి నిదేపనై తగులఁగవలెను
॥పల్లవి॥
ఆతుమలో హరిమీఁది ఆందోళమే వలె
చేతికి లోఁగాకుంటేను చింతించవలె
ఆతనిఁ జూచేయందుకు నాసలఁ బొరలవలె
రీతినివెప్పుడు విచారించుకొనవలెను
॥నారా॥
నీలవర్ణు కథలకు నివ్వెరగు నొందవలె
ఆలకించి యందు భ్రమయఁగవలెను
తాలిమితో మహిమలు దలపోసుకొనవలె
వేళవేళ ధ్యానించి వెదకఁగవలెను
॥నారా॥
చేరి శ్రీవేంకటేశు సేవించుకుండఁగవలె
గారవాన సదా మరుగఁగవలెను
ఆరసి పెద్దలనన్నీ నడుగుచుండఁగవలె
నోరునిండా నేపొద్దూ నుతియించవలెను
॥నారా॥