КУРИЦА С КАРТОШКОЙ В КАЗАНЕ 😋🥘

Дьэ таһырдьа ас астыахха сөп күннэр турдулар дии. КАЗАҤҤА КУУРУССАЛААХ ХОРТУОСКА астаан көрдөрүөм. Сүрдээх борустуой оҥоһулаах бүлүүдэ буолар.

Биһиэхэ наада:
* куурусса атаҕа - 10 уст;
* хортуоска - 1,5 кг;
* моркуоп - 2 уст;
* болгарскай биэрэс - 2 уст;
* луук - 2 уст;
* мас арыыта - 400 мл;
* паприка;
* туус;
* укуруоп.

Казаҥҥа күүстээх уокка арыыбытын сылытабыт, сылыйбытын кэннэ хортуоскабытын саһархай корочкаланыар диэри ыһаарылыыбыт. Казаҥҥыт кыра буоллаҕа барытын кутуман, хортуопуй барыта арыыга тимирэр буолуохтаах. Ыһаарылана турдаҕа булкуйуо суохтаахпыт, саһаччы бустаҕа эрэ арыыттан хостуубут.

Ол кэннэ кууруссабыт атаҕа ыһаарыланар, арыы ол тухары уларыйымыан сөп туох да буолбат. Эмиэ саһаччы корочкаламмытын кэннэ таһаарабыт. Онтон луук уонна моркуоп ыһаарыланар, сымнаата да хостуубут.

Барыта ыһаарыламмытын кэннэ арыытын тоҕобут. Казаммытыгар куурусса этин уурабыт уонна приправалыыбыт: туус уонна паприка барар. Үрдүгэр моркуоптаах луугу уонна хортуосканы кутабыт, ол кэннэ болгарскай биэрэһи таммалатабыт. Хаппахтаан баран 40 мүнүүтэ бытаан уокка туши гынабыт. Казаҥҥа буспут кууруссалаах хортуоска бэлэм буолла.

Минньигэстик аһааҥ!