Скачать или смотреть Mularama Devara Vaibhava

బ్రహ్మదేవుడే పూజ చేసిన మూలరామదేవా
ప్రాణ దేవుని పూజలందిన మూల రామదేవ !
సర్వోత్తమైనస్వామీ!
మూలరాముడే మూల సీతతో కలిసి వచ్చినాడు,
పూర్ణ ప్రజ్ఞుల పూజలంది పరవశించినాడు, మహిమ చూపినాడు,
మనపై కరుణచూపినాడు.! !బ్రహ్మ!!

1.పద్మాసనుడే పద్మసఖునికి ఈ ప్రతిమలనిచ్చె
ఇన వంశముననే మూల రాముడు పూజలందినాడు,
పరవశించినాడు,తన మహిమ చూపినాడు,
మహిమ చూపినాడు!!

2.అయోధ్యరాముడే
ముద్దు సీతకు ఈ ప్రతిమలనొసగే ,
జానకమ్మతో
మూల రాముడు పూజలందినాడు,
పరవశించినాడు,తన మహిమ చూపినాడు,
మహిమ చూపినాడు!!

3.బ్రాహ్మణోత్తముడు రామచంద్రునికై ఎదురుచూసే,ఉపవాస దీక్ష చేసే,
మూల రాముడే రామచంద్రుడని ప్రతిమలతనికొసగే!
కరుణెంతో చూపే!
వశిష్ట రామాయణమే దీనికి సాక్షిగా నిలిచే! ఆధారమై నిలచే!!

4.మారుతి నుండి భీమసేనుడు ఆ ప్రతిమలు పొందె, పూజలెన్నొచేసె
ముదమునెంతొ పొందె,
హరే రామ హరే కృష్ణ యనుచు ఇరువురీ సేవచేసే ! ముదమునెంతో పొందే,ముదమునెంతో పొందే!
5.ఘన కీర్తి కలిగిన రామ ప్రతిమలు కళింగ చేరె! కోశమందు నిలిచే!
ప్రాణ దేవుని ఆజ్ఞ మేరకు నరహరియతులు మూలరాముని పీఠమునకు తెచ్చే ! గురువు చెంత చేర్చె!
బ్రహ్మదేవుడే పూజ చేసిన మూలరామదేవా!!
6.మోద తీర్థులే ముదము తోడ ఆ ప్రతిమలందు కొనిరి ,పూజలెన్నొ చేసే !ప్రమోదమెంతొ పాందె,
ప్రమోదమెంతొ పాందే!!

బ్రహ్మదేవుడే పూజ చేసిన మూలరామదేవా!!
7.మూల రాముడే రఘువర్య తీర్ధులను అనుగ్రహించినాడు ,భీమా నదిని దాటినాడు. రఘువర్య పూజలందినాడు, అనుగ్రహించినాడు,
అనుగ్రహించినాడు
!!
బ్రహ్మదేవుడే పూజ చేసిన మూలరామదేవా!!
8.మూల రాముడే సత్య బోధులను అనుగ్రహించినాడు, నైవేద్య విషమును తానే స్వీకరించినాడు,రాత్రులు పూజలందినాడు. వెలుగు చూపినాడు, తన వెలుగు చూపినాడు!!

బ్రహ్మదేవుడే పూజ చేసిన మూలరామదేవా!!

9.జీవోత్తముని పూజలందిన సర్వోత్తమ మూలరామదేవా! ఉత్తమోత్తమ ఉత్తరాదిమఠ యతులందరి పూజలందినావు, సత్యాత్మకుడవై సత్యాత్ములను
కరుణించినావు,ప్రమోదమిచ్చినావు, భక్తులకు ప్రమోదమిచ్చినావు!!