Скачать или смотреть المطيري من يخاويه والله مايضام - فايز الدوسري | 2025

دف جنح الليل نورٍ نسف وجه الضلام
ولا هدا بالي ولا الجفن حتى ماغفا

من يحسب الليل سجه وولفه وانسجام
مادرى انه ضيق خاطر وتبريح وجفا

كل يوم نكابد الوقت لا حط اللثام
وماهفا الا ميت العزم واللاش يهفا

من تعلى طق الاوسط على راس البهام
جاه شيٍ ما يشافا ولا حوله شفا

من يجي بين الحقيقه وبين الاتهام
ماصفا جوه وتبرير باله ماصفا

اتركوني لين اشوف الطريق بشكل عام
وازهلوني لا بدا العلم وانا ابو لفى

هاك يابرجس قصيدٍ ماهو والله كلام
ضرب بلجيكٍ مثبت وينحت في صفا

في مديحك يبو ماطر مايلحقني ملام
كيف ابا اجنب عن المدح في شرواك افا

انت والله وجهك ابيض مثل لون الحرام
يوم غيرك وجهه اسود مثل ضلع الشفا

كل يوم تطاول المجد وتقول الهمام
المراجل والمواقيف مافيها إكتفا

ياعيال الشايب الي ياجعله لـ الرحام
شايبٍ كله حميّا وتقدير ووفا

حفلكم نعطيه قيمه ونعطيه اهتمام
ماخلق فيكم هلامه ولا خلق ضعفا

العضيلات الاكابر مروين الحسام
مجدٍ يرفرف وضوٍ يشعشع ماطفا

ان تعلو فوق صفراً معالجة اللجام
جا لنطل الروس فالقاع والجو ردفا

المطيري من يخاويه والله مايضام
يشهر ويرقى بفعله على راس الشفا

ومن تضايق من فعول المطيري مايلام
نبجد الجمع المسما ونامر ونعف