الحلقة (19) عقاد الحرارات 2023 مفتاح الربيعي

الحرارات
عقاد الحرارت شدن
عليهن اللي ما يولوا
يهدن ومن قبل هدن
على وطنا الهم يجلوا
عام جديد ونجع مساطر
صايم فاطر
وشعار تهون ع الخاطر
✅نجع تصدا
نجع تحدا
نجع اجواد عتاد وعدا
ما ينساش عوايد جدة
مبدع شاطر
تاريخة مثبوت مساطر
نجع جديد نزل متقادي
خيلة تنادي
ع الاحرار وع الاجوادي
✅نجع نجوعة
قمة روعة
توحيدت وطنة مشروعة
بنغام وكلمة مسموعة
مو منتاطر
مجامل رحب ب الخاطر
✅عام جديد ونجع حراري
مبني ع الهيبة والهمة
بجد ماشاء الله الباري
مترابط رمة في الرمة
نجع وعز وخيل اواري
ولد اوبوة وخوة اوعمة
عقالة ع العيب اداري
يجروا ع السترة واللمة
ما فيهم بايع لاشاري
لامن رباء اللفعة في كمة
لا خشوا في سهم اجباري
غيرالوطن ويبوا ضمة
نجع بناسة وخيلة انصاري
لي وحدة لبلاد تهمة
(لام) جسور( ولام) كباري
نجع يحب الوطن فدمة
في زراع السو يباري
وذنة ع الخرابة صمة
حتى الحاقد لنكيشاري
وين يجية يسكر فمة
للتاريخ استوعب قاري
يعرف ما بدوم الغمة
فاهم للحاصل والجاري
جرب مرت بية الحمة
عندة الوصفة ماي ايباري
صفحة من صفحات القمة
من (جرحا)يصبح باري
فارسهم مشوارا يتمة
يعرف هلي حاصل طاري
ولاستعمار يرد بسمة
ترجعله ريحة لقماري
يبرم عون البحري يشمة
يزهى ما بدوم طواري
تساوا (القرنة) والجمه
لحراري يبقي لحراري
رابط هم الوطن بهمة
ِشيراع ومجداف وساري
للوطن وشعبة وللأمة
(بية )ينجوا مالجرف الهاري
يعبر وادي
سالم بذن الله الهادي
نجع جديد نزل متقادي
خيلة تنادي
ع الاحرار وع الاجوادي