Kronvirusa klerigado pri Zoom kun Hoss

Mian sekvan, nome la 12an intervjuon mi pretigis kun Hoss Firooznia, informadikisto el Usono pri la instalado kaj uzo de la programo Zoom. En la filmo vi povas vidi ankaŭ tion, kiel akcepti inviton pro ZOOM-kunveno, kiel krei konton, kiel laĉi kunvenon aŭ kurson. Per tiu ĉi filmo mi volas helpi tiujn kiuj en la pandemia periodo serĉas solvon anstataŭigi la fizike neeblajn kunvenojn. Ni konscias, ke ekzistas multaj aliaj programoj, kaj ke kelkaj el vi opinias ZOOM nesekura (ni parolas en la filmo pri tio), sed akceptu ke edukado.net elektis uzi kaj prezenti tiun ĉi. Pri la aliaj serĉu informojn aliloke. Se vi havas konkretajn teknikajn demandojn, Hoss staras je via dispono, skribu al li ĉe hoss.firooznia(ĉe)gmail.com. Bonan "zumoadon".