តើនឹងមានផលវិបាកយ៉ាងណា បើរុស្ស៊ីបំផ្ទុះគ្រាប់បែកនុយក្លេអ៊ែរក្នុងលំហអវកាស

នៅខែកុម្ភៈឆ្នាំ 2022 រុស្ស៊ីបានបញ្ជូនផ្កាយរណបមួយដែលមានឈ្មោះថា Cosmos 2553 ទៅកាន់លំហ។ គោលបំណងនៃផ្កាយរណបនេះ បានបណ្តាល ឱ្យមានការព្រួយបារម្ភ និងការរំពឹងទុកជាច្រើនក្នុងអំឡុងពេលនៃភាពតានតឹងកាន់តែខ្លាំងឡើងសម្រាប់ពិភពលោក។
នៅពីរបីសប្តាហ៍បន្ទាប់ពី Cosmos 2553 បានចូលទៅក្នុងគន្លងរបស់វា ទាហានរុស្ស៊ីក៏បានបើកការលុកលុយទៅលើអ៊ុយក្រែន ដោយវាយប្រហារទីក្រុង Kyiv និងទីក្រុងផ្សេងទៀតដោយមីស៊ីល និងគ្រាប់បែក។ នៅពេលដែលអង្គការណាតូ បានបង្កើតការគាំទ្រយ៉ាងឆាប់រហ័យដល់កងទ័ពអ៊ុយក្រែន ដែលហួសពីដែនកំណត់ ក៏បានបង្ករអោយមានការភ័យខ្លាចជាសកលថា ជម្លោះនេះនឹងអាចឈានដល់សង្គ្រាមនុយក្លេអ៊ែរ។
នៅក្នុងខែកុម្ភៈឆ្នាំនេះ មានសេចក្តីថ្លែងការណ៍សម្ងាត់មួយដោយសមាជិកសភាអាមេរិកអំពី "ការគំរាមកំហែងសន្តិសុខជាតិយ៉ាងធ្ងន់ធ្ងរ" ដែលបណ្តាលឱ្យមាន ភាពចលាចលដល់ប្រព័ន្ធផ្សព្វផ្សាយ។ មន្ត្រីសហរដ្ឋអាមេរិកបានលើកឡើងអំពី Cosmos 2553 ដោយបង្ហាញពីការព្រួយបារម្ភរបស់ពួកគេថា ផ្កាយរណបអាចនឹងធ្វើការសាកល្បង ដែលទីបំផុតអាចនាំទៅរកគោលដៅនៃអាវុធនុយក្លេអ៊ែរនៅក្នុងលំហ។