مجرور مهدى إلى الدكتور عدنان السواط كلمات واداء الشاعر : فوزي الثمالي اهداء : بتال ممدوح السواط

سرا الليل وضميري من لواهيب الهجوس يفوح
ألا ياليل هيضني دفاك وجوّك الهادي

وقمت انقى جزيلات المعاني من صحيح البوح
اراعي ذايقة عشاق شعري قبل نقادي

ومن يقدر على فعل الجمايل ماهو بمسموح
توكلنا على الله وابتدينا والله البادي

على الميعاد واللي يخلف الميعاد وين يروح
عن الشرهة وتانيب الضمير ولوم الاجوادي

سلام الله سلام اسلام صادق من صميم الروح
سلام خالطه بالمسك والريحان والكادي

على سلم الوفا باسم الشبل بتال بن ممدوح
كريم الاصل والمجنى عريب اخوال واجداي

وأبو عدنان رحب بالضيوف وخاطره مشروح
وترحيبه ليا منّه لفاه الضيف معتادي

وجوده مثل براق المزون اللي سرى له ضوح
ليا من هل همّاله يسيل الضلع والوادي

حضرنا حفل عدنان الكريم الفارس الطحطوح
نسوق التهنية والليل هذا ماهوبعادي

عسى ربي يبارك فيه ويزيده هنا وفروح
ويبني بيته ويجعل حياته عز واعيادي

بني عمه ذوي عيد النواشي مبعدين الشوح
هل الوقفات ماضين الفعايل حصن الامجادي

مجالسهم مداهيل الضيوف وبابها مفتوح
مدلّهة الغريب وللمعادي سم الاكبادي

وتاريخ الصواط اللي بنى للطايلات صروح
من الماضي ولازالت تشعّ ونجمها بادي

واثنّي تهنية عدنان عن بتال بن ممدوح
وكل الحاضرين من النشامى جمع وافرادي

كلمات الشاعر : فوزي الثمالي