شيلة مهداه لدكتور عدنان السواط كلمات الشاعر: مصلح الشلوي اداء: سلطان البقمي اهداء: عبدالرحمن المقاطي

الا يا جليل الملك ياخالق الانسان
يامن تحت عرشك تخضع الروس محنية

لك الحمدولك الشكر والفضل والاحسان
ورحمتك يارب المخاليق مرجية

يقول المقاطي والمعاني على البرهان
سلام وتحيه للمطاليق مثنية

سلامي لعبدالمحسن معرب الجدان
وعلى ربعه اللي بالكرم نارهم حية

الاد السواط ونعم من ماضي الازمان
من عتيبه اصحاب الفعول البطولية

سلام من العتبان ويساق للعتبان
وباسمي وباسم ابوي اقوله علانية

ابن تركي محمد رفيع القدر والشان
راع الوجه الابلج والكفوف الرهاوية

من العزوة اللي فاللقا تلطم العدوان
وتامن تحت هيباتهم كل مرعية

ليا عدو الهوارنه يرجح الميزان
اهل شيخة بالفعل حيه وجدية

وانا وانت ياعدنان عشرة عمر واخوان
اخوي وخويي والاخوه حقيقية

عسى الله يبارك لك ويسعدك ياكحيلان
ويفتح لك ابواب الهنا والرفاهية

حكيم وكريم معرب الخال والعمّان
وعندك طموحات وبحوثات علمية

ماجستير واداري وشهم وفصيح لسان
و فالطب شهادتك ماهي بعادية

ومن له لزوم وقال عدنان ياعدنان
يقول ازهل ودندن وحاجتك مقضية

نهنيك ونبارك لك وندعي الرحمن
يتمم لك الفرحه ويصلح لك النية

اسوق القصيده واتنقى اعذب الالحان
مقامك حماسي والقصيده حماسية

لك التهنيه من صادق القلب والوجدان
وحبيت اعبرها فالابيات هاذية

وفختامها صلو على المصطفى العدنان
عدد ماسجع من بين الاغصان قمرية

كلمات الشاعر : مصلح بن عياد الشلوي