مجرور مهدى إلى الدكتور عدنان بن عبدالمحسن السواط اهداء : خواله ابناء مطلق بن سليمان السواط ذوي عايد

سايق الدول الأول قهوني في بياله
راسي والله ماكيفه فنجال دله

واعطني فرصة ابي اعطيك عندي رسالة
بالبيوت الجزيلة والغلا مستقله

اخذها مع دروب العز واهل الرجاله
واعطها في يد بناخينا واطنخ وقله

الرسالة تراها جايته من خواله
بالوفاء دايم انواصل وهذي جبله

وقل يا عدنان ياراع الوفاء والشكاله
ياعسى فرحتك تبقى لك العمر كله

انت وافي ولا جاء منك غير الجزاله
وانت حاوي على النوماس دقه وجله

وانت مكسب لابوك وربعك بكل قاله
عاقل وكل عقدن لا تعقد تحله

سمعتك يشهد لها والفعايل دلاله
كل طاري ونعم اليا طرى تستحله

والكفو مثلك ادري معتبر ما يباله
معتلي صيته كنه مع نجوم الاهله

معرب جدود واخوانك رجال الجماله
صفهم واحد ومعروف ما فيه خله

وافتخر في خوالك والفخر في مجاله
دامهم مثل سيفن فالملاقا تسله

والفتى قالوا اليا طاب من طيب خاله
وانت خالك مسند واستمع فالادله

ان وقف فالمواقف سد لو هو لحاله
واكبر اسماء الاكابر ما تقارن بظله

كاسب الطيب والامجاد في كل طاله
بالفعايل وصل ميصال محد يصله

يفتدي ضيفه وجاره بحاله وماله
ويحشمه عن خطا جاهل وعن كل زله

ونتعذر في المحضار ماهي جهاله
ولا بلانا من المحضار خوف وذله

ايترفع بنفسه عز ويحشم سباله
والتجاهل رجوله والرجوله من الله

والكفو مستحيل ان ندور بداله
وكل رجال طيب راس يعرف محله

والختام الصلاه على محمد و آله
الرسول الذي كلنا نتبع إله