Скачать или смотреть သရဲခြောက်လွန်းလို့ ၂ ထပ်ပိတ်ထားတဲ့ ကမ္ဘာ့အကြီးဆုံး ဟော်တယ် - First World Hotel Scary Sunday

အဲ့ဒီဟော်တယ်တွေထဲက သရဲတအားခြောက်တယ်ဆိုတဲ့ First World Hotel က တခြားဟော်တယ်တွေနဲ့ မတူ ထူးခြားတဲ့ အချက်ကလေး နှစ်ချက်ရှိပါတယ်။

ပထမတစ်ချက်က ကမ္ဘာ့အကြီးဆုံး ဟိုတယ်အဖြစ် ဂင်းနစ်ကမ္ဘာ့စံချိန်မှတ်တမ်းဝင်ထားတဲ့ ဟော်တယ် တစ်ခုဖြစ်ပါတယ်။ အခန်းပေါင်း ၇၃၅၁ ခန်းရှိတဲ့ ကြယ်သုံးပွင့်အဆင့် ဟိုတယ်ကြီး တစ်ခုဖြစ်ပါတယ်။ ဟော်တယ်မှာ Tower အဆောင် နှစ်ဆောင်ရှိပါတယ်။ သူ့ဟော်တယ်ကို ရောင်စုံ ဆေးသုတ်ထားတာမို့ ဝေးဝေးကနေကြည့်မယ်ဆိုရင် တောင် ထင်ထင်ရှားရှား မြင်ရမှာ ဖြစ်ပါတယ်။

အထပ်အမြင့်အနေနဲ့ ၂၈ ထပ်ရှိပြီးတော့ တကယ်လို့ ကားရပ်နားတဲ့ မြေအောက်ထပ်တွေကိုပါ ထည့်သွင်းရေတွက် မယ်ဆိုရင် ၃၆ ထပ်ရှိပါတယ်။ မြေအောက်ထပ်က ၈ ထပ်ရှိတာပေါ့လေ။

ဒုတိယအချက်အနေနဲ့ အဲ့ဒီအထပ်ပေါင်းများစွာထဲမှာမှ ၁၃ လွှာနဲ့ ၂၁ လွှာဟာ လုံးဝ ပိတ်ထားရတယ်လို့ ဆိုကြပါတယ်။ ဓါတ်လှေကား ခလုတ်တွေကို ကြည့်ကြည့်မယ်ဆိုရင် အဲ့ဒီနှစ်ထပ် မပါဘူးဆိုတာကို တွေ့မြင်ရမှာဖြစ်ပါတယ်။ ဒီလိုမျိုး အထပ် ၂ ထပ် မပါနေတာနဲ့ လူတွေက မျိုးစုံပြောကြပါတယ်။ ထင်ရှားတဲ့ အကြောင်းအရာ တစ်ခုအနေနဲ့ ၁၃ လွှာနဲ့ ၂၁ လွှာမှာ မကောင်းမှုတွေ အများကြီး ဖြစ်ပျက်ခဲ့တယ်ဆိုပြီး ပြောကြပါတယ်။
အဲ့ဒီအထဲကမှ အမျိုးသမီးတစ်ယောက်ရဲ့ အလောင်းကို ကုတင်အောက်မှာ တွေ့ရှိခဲ့ရတယ် ဆိုတဲ့ အကြောင်းအရာက လူပြောအများဆုံး အကြောင်းအရာ တစ်ခု ဖြစ်ပါတယ်။ လူတစ်ယောက်ဟာ First World Hotel မှာ လာတည်းနေတုန်း သူ့အခန်းမှာ အနံ့ဆိုးရတဲ့အတွက် နေရာအနှံ့လိုက်ရှာကြည့်ပေမယ့် ဘယ်နေရာကနေ အနံ့ထွက်နေတယ်ဆိုတာ မသိရပါဘူး။ ခုတင်အောက်ကို ငုံ့ကြည့်လိုက်တဲ့အချိန်မှာတော့ ကျွတ်ကျွတ်အိပ်အမည်းတွေနဲ့ အထပ်ထပ်ထုပ်ထားတဲ့ အမျိုးသမီးတစ်ယောက်ရဲ့ အလောင်းကို တွေ့ရှိလိုက်ရတယ်ဆိုပြီး ပြောကြပါတယ်။ ဒီအမျိုးသမီးက ဘယ်တုန်းက ဒီနေရာကို ဘယ်လို ရောက်လာတယ် ဆိုတာကို ဘယ်သူကမှ မသိခဲ့ကြပါဘူး။ တချို့ကကျတော့လည်း ဒီအမျိုးသမီးဟာ တရုတ်ပြည်က ပြည့်တန်ဆာ အမျိုးသမီး ဖြစ်ပြီးတော့ ဒီနေရာမှာ ကိစ္စတုံး ခံလိုက်ရတယ်ဆိုပြီး ပြောကြပါတယ်။ အဲ့ဒီနောက်ပိုင်းမှာတော့ ဒီ အလွှာတွေမှာ ခြောက်လှန့်မှုတွေက တအားကို ဆိုးဝါးလာလို့ ဟော်တယ်ပိုင်ရှင်တွေက ဒီအထပ်ကို ပိတ်လိုက်ရကြောင်း ပြောကြပါတယ်။

ဒီနှစ်ထပ်မပါတာနဲ့ ပတ်သက်ပြီးတော့ သူတို့ မလေးရှားကလူတွေကြားထဲမှာလဲ တော်တော် ပြောကြ ဆိုကြ ဆွေးနွေးကြတဲ့ အကြောင်းအရာတစ်ခု ဖြစ်ခဲ့သေးတယ်။ တချို့ကကျတော့ ၁၃ လွှာ နဲ့ ၂၁ လွှာမှာ ဟော်တယ်က ရုံးကိစ္စတွေလုပ်ဖို့ရာ သီးသန့် ထားတာမို့ ဧည့်သည်တွေသုံးတဲ့ ဓါတ်လှေကားမှာ ထည့်မထားတာလို့ ပြောကြပါတယ်။ ပြီးတော့ ဟော်တယ်နဲ့ ပတ်သက်တဲ့ စက်ပစ္စည်းတွေ ဘာတွေ ထိန်သိမ်းဖို့ရာ အဲ့ဒီအထပ်တွေကို ဓါတ်လှေကားထဲ မထည့်ထားတာလို့လည်း ပြောကြတာလည်းရှိတာပေါ့လေ။ ဒါပေမယ့် ဒီလို ဟော်တယ် တစ်ထပ်လုံးကြီးကို အဲ့လို ကိစ္စတွေအတွက် နေရာ အပုပ်ခံမလားပေါ့ တွေးမိတာလေးပါ။ ပြီးတော့ ဒီဟော်တယ်က သေးသေးလေးလဲမဟုတ် ကမ္ဘာ့အကြီးဆုံ ဟော်တယ်လေ။ တစ်ထပ်တစ်ထပ်ကို အခန်းပေါင်းက နည်းမှာ မဟုတ်ဘူး။ ပြီးတော့ နှစ်ထပ်တောင်ဆိုတော့ အဲ့လို ထားတာ ဖြစ်နိုင်ပါ့မလားဆိုပြီး ငြင်းကြတဲ့ သူတွေလည်း ရှိတာပေါ့လေ။

တချို့ကတော့ ၁၃ က ကံမကောင်းစေတဲ့ ဂဏန်းဖြစ်တာမို့ အဲ့ဒီအထပ်ကို မထားတာပေါ့။ နောက် ၂၁ ကျတော့ ဖဲသမား လောင်းကစားသမားတွေအတွက်ဆိုရင် ဒါက Lucky နံပါတ်လေ။ အဲ့ဒီလိုမျိုး ကစားသမားတွေကို စိတ်အသာစီး မရစေချင်တဲ့အတွက် ၂၁ အထပ်ကိုလုံးဝ ဧည့်သည် လက်မခံတာဆိုပြီး ပြောတာတွေလည်း ရှိပါတယ်။
ကျွန်တော့အမြင်မှာ ဓါတ်လှေကားက တစ်စင်းထက်မက ရှိနေနိုင်တာဖြစ်တဲ့အတွက် အခုရိုက်ထားတဲ့ ဓါတ်လှေကားက ၁၃ မပါတဲ့ ဓါတ်လှေကားကို ရိုက်ထားတာ ဖြစ်မယ်လို့ပဲ ယူဆမိပါတယ်။ ကျန်တဲ့ နောက်တစ်စီးမှာ ၁၃ မရှိရင်တောင် ၁၂ A ဆိုတာမျိုးကတော့ ရှိမယ်လို့ ထင်ပါတယ်။ နောက်တစ်ခုက ၂၁ က ဘာလို့ မပါလဲဆိုပြီးတော့ ပြောကြတဲ့ အပိုင်း။ အဲ့ဒါကတော့ ဟော်တယ်ဘက်က လောင်းကစားသမားတွေကို အသာစီးမရစေချင်လို့ မထားတာလား။ ဒါမှမဟုတ် တကယ်ပဲ နာနာဘာဝတွေ ကြီးစိုးနေလို့ပဲ အလွတ်ထားထား သလား၊ ဒါမှမဟုတ် ရုံးတွေ စက်ပစ္စည်းတွေ ရှိနေလို့ တည်းခိုသူတွေ ဝင်မရတာလားဆိုတာကတော့ မလေးရှားက လူတွေလည်း အဖြေမရှိသလို ဟော်တယ်ဘက်ကလည်း ဘာမှ ရေရေရာရာ ဖြေရှင်းတာမရှိတော့ လူတွေက ပိုပိုသိချင် စပ်စုချင်တာ မဆန်းဘူးပေါ့လေ။

ဘယ်လိုပဲ သရဲခြောက်တယ်ပြောပြော ကမ္ဘာ့အကြီးဆုံး ဟော်တယ်ဖြစ်နေတော့လည်း တည်းခိုတဲ့သူတွေကတော့ အမြဲတမ်းရှိနေတာပေါ့လေ။ အဲ့ထဲကမှာ အိန္ဒယနိုင်ငံက လက်ထပ်ပြီးစ လင်မယားစုံတွဲတစ်တွဲရဲ့ First World Hotel မှာ တည်းခိုခဲ့တဲ့ ကြုံတွေ့ခဲ့ရတဲ့ အဖြစ်အပျက်က တော်တော်ကို ထူးခြားခဲ့ပါတယ်။
အဲ့ဒီတုန်းက သူနဲ့ သူ့အမျိုးသမီးဖြစ်သူတို့က အင်ဒိုနီးရှား ဘာလီမသွားခင် KL မှာ ရှိနေတုန်း ဒီဟော်တယ်ကို တစ်ခေါက်လောက် သွားကြည့်ကြမယ်ဆိုပြီး သွားဖြစ်ခဲ့ကြတာ ဖြစ်ပါတယ်။