Скачать или смотреть "የብልጽግና ወንጌል ለደሀ ቦታ የለውም" Evangelist Tsega-AB Bekele

"የብልጽግና ወንጌል ለደሀ ቦታ የለውም"!!
የብልጽግና ወንጌል ስህተት ያደረገው አማኝ ሁሉ እምነት ካለውና አዎንታዊ አዋጅ በራሱ ላይ በማወጅ፣ ለእምነት መምህራን የገንዘብ ዘር በመዝራት የንዋይ፣ የጤንነትና ደስታ ባለጠጋ ይሆናል ማለቱ ብቻ ሳይሆን በኢየሱስ በሐዋርያትና በእምነት አባቶች ያልተላለፈልን ምድራዊ ሀብት፣ ሥጋዊ ጤንነት፣ ምቾትና ቁሳቁስን የክርስትና ትምህርት ግብ አድርጎ ማቅረቡ ነው፡፡ ያለ ትልቅ የሥራ ራእይ፣ ብርቱ ሥራና ላብ ምድራዊ ስኬትና ብልጽግናን በአንደበት አዋጅ የራስ ለማድረግ ክርስትናን ተደግፎ የመጣ አዲስ ትምህርት፡፡ ከዚህም የተነሣ የብልጽግና ሶስቱ የትኩረት አቅጣጫዎች ኃይል፣ ክብርና ብልጽግ የሚል ነው፡፡ እነዚህን ቢያጠቃልል እንጂ የኢየሱስ ወንጌል መሠረትና የትኩረት አቅጣጫ እነዚህ ሦስቱ እንደሆኑ ቃሉ አይናገርም፡፡ የወንጌል ትኩረት ከኢየሱስ የምናገኘው ሳይሆን ኢየሱስ ራሱ ነው፡፡ ኃይላችን፣ ክብራችንና ብልጽግናችን ኢየሱስ ነው፡፡
ታላቁ የዓለማችን ወንጌላዊ የነበሩና ብዙ ሚሊዮኖችን በወንጌል ስብከት የማረኩ ቢሊ ግራም ከግማሽ ምዕተ ዓመት በላይ የሰበኩት ስብከት ይዘቱ ምን እንደምመስል ተጠይቀው ሲመልሱ ስብከታቸው አምስት ነገሮች ላይ ትኩረት ያደረገ እንደነበር መስክረዋል፡፡ አምስቱን ነገሮች ሲዘረዝሩ አንደኛ፡- የክርስቶስ ሥጋ ለብሶ መገለጥ ሁለተኛው፡- የክርስቶስ ፍጹም ሕይወት በምድር መኖር ሦስተኛው፡- የኢየሱስ ክርሰቶስ በመስቀል ላይ መሞት አራተኛ፡- ትንሣኤና አምስት፡- የኢየሱስ ዳግመኛ መምጣትና የመንግሥቱ በሙላት መገለጥ በማለት ዘርዝረዋል፡፡ ዛሬ የእኛ ስብከትና መድረክ ትኩረቱ ምን ላይ ይሆን?
ወንጌላዊ ፀጋ አብ