ⵎⵓⵃⵎⴰⴷ ⴰⵍⴱⵏⵙⵉⵔ - ⴰ ⵔⵊⴰ ⴼⵍⵍⴰⵀ ⴰ ⵉⵎⵓⵔⵉⴳ محمد البنسير- ارجا فلله ايموريك

ⵎⵓⵃⵎⴰⴷ ⴰⵍⴱⵏⵙⵉⵔ - ⴰ ⵔⵊⴰ ⴼⵍⵍⴰⵀ ⴰ ⵉⵎⵓⵔⵉⴳ محمد البنسير- ارجا فلله ايموريك #chants_amazigh #amarg_amazigh
ⴰ ⵔⵊⴰ ⴼ ⵍⵍⴰⵀ ⴰ ⵉⵎⵓⵔⵉⴳ ⵜⵔⵎⵉⵜ ⵉⴷⴷ
ⵉⵣⴷ ⴰⵏⴽⵛⵎ ⵖⴰⵔ ⴷ ⵍⴱⵉⵜ ⵏⵇⵇⵏⵜⵜⵉⴷⴷ
ⵍⵍⵉⵖ ⵙⵓⵍ ⵓⵔ ⵏⵟⵟⴰⴼ ⴷⴰⵔ ⵍⵃⴱⴰⴱ ⴰⵜⵉⴳ
ⵓⵔⴷ ⴰⵡⴰⵍ ⴰⴷ ⴰⵖ ⵍⴰⵃ ⵓⵔⴷ ⵍⵡⵉⵊⴰⴱ
ⵍⴰⵃⴱⴰⴱ ⵍⵍⵉ ⵖ ⵏⵅⵙⵔ ⴽ ⴰ ⵓⵔ ⵏⵜⵜⵎⵏⵉⴷ
ⴰⵔ ⴽⴰ ⵙⵓⵍ ⵏⴽⴽⵉ ⵜⵜⵅⵎⵎⵉⵎⵖ ⵉ ⵙⵙⵄⵜⴰⴷ
ⵓⵙⵙⴰⵏ ⴷ ⵢⵉⵔⵏ ⴼⵜⴰⵏ ⴰⴽⴽ ⵙ ⵓⵥⵍⵎⴰⴹ
ⴽⴰⵢⴳⴰⵜⵜ ⵍⵄⴰⵎ ⵉⴼⵍ ⴳⵉⵏⵖ ⴰⵊⴹⵉⴹ
ⵢⴰⵏ ⴷⴷⴰⵔ ⵍⵎⴰⵍ ⵓⵔ ⴰⵙ ⵉⴽⴽⵙ ⴰⵖⵯⵊⵊⴰⵊ
ⴰ ⵔⵊⴰ ⴼ ⵍⵍⴰⵀ ⴰ ⵉⵎⵓⵔⵉⴳ ⵜⵔⵎⵉⵜ ⵉⴷⴷ
ⵢⴰⵏ ⴷⴷⴰⵔ ⵍⵎⴰⵍ ⵓⵔ ⴰⵙ ⵉⴽⴽⵙ ⴰⵖⵯⵊⵊⴰⵊ
ⵔⴰⴽⴽ ⵏⵉⵜ ⵉⵙⵙⵏⴷⴰⵎ ⵣⵓ ⵃⵔⵎⵏ ⴰⵇⴰⵔⵉⴹ
ⴰⵔ ⴽⴰ ⵉⵙⵎⵓⵎⵎⵓⵢ ⴼ ⵎⴷⴷⵏ ⴱⵍⴰ ⵙⵉⴱⴰⴱ
ⵍⵎⵙⴽⵉⵏ ⴰⴽⴽ ⴰⴽⴽⵯⵓⵔ ⵜⵏⵏⵇⵇⴰ ⵜⴳⵓⴹⵉ ⵇⵏⴹ
ⵉⵙ ⵓⵔⴷ ⵍⵎⴰⵍ ⴰⵢⴷ ⴰⵖ ⵏⵥⵔⴰ ⴰⵙⴱⴱⴰⴱ
ⵍⵎⵙⴽⵉⵏ ⴰⵖⵏⵏ ⵉⵔⵊⴰ ⴰⵙ ⵉⴽⴽⵙ ⴰⵇⵛⵛⴰⴱ
ⵛⵓⵡⵡⵔⴰⵜ ⵓⴽⴰⵏ ⴰ ⵉⴼⵍⵍⴰⵃⵏ ⵉ ⵡⴰⵎⵓⴷ
ⴰⵔ ⴽⴰ ⵜⵏⵇⵇⴰⵎ ⵉⵣⴳⴰⵔⵏ ⴱⵍⴰ ⵙⵙⵉⴱⴰⴱ
ⴰⵡⵏ ⵉⵅⵍⴼ ⵕⴱⴱⵉ ⵍⵃⵓⵎⵎⴰⵏ ⴷ ⵓⵙⵎⵎⵉⴹ
ⴰ ⵔⵊⴰ ⴼ ⵍⵍⴰⵀ ⴰ ⵉⵎⵓⵔⵉⴳ ⵜⵔⵎⵉⵜ ⵉⴷⴷ
ⵛⵓⵡⵡⵔⴰⵜ ⵓⴽⴰⵏ ⴰ ⵉⴼⵍⵍⴰⵃⵏ ⵉ ⵡⴰⵎⵓⴷ
ⴰⵔ ⴽⴰ ⵜⵏⵇⵇⴰⵎ ⵉⵣⴳⴰⵔⵏ ⴱⵍⴰ ⵙⵙⵉⴱⴰⴱ
ⴰⵡⵏ ⵉⵅⵍⴼ ⵕⴱⴱⵉ ⵍⵃⵓⵎⵎⴰⵏ ⴷ ⵓⵙⵎⵎⵉⴹ
ⴰⵙⵉ ⵢⴰⵜ ⵓⴽⴰⵏ ⴰ ⴽⵔⴰ ⴰⵍⵉⵎ ⵙ ⵍⵎⵓⴼⵉⴷ
ⵉⵎⵎⴰ ⵉⵔⴷⵏ ⴷⴷⴰⵏ ⴽⵓⵍⵍⵓ ⵙ ⴷⴰⵔ ⵓⵣⵔⴳ
ⵢⴰⵏ ⴷⴰⵔ ⵉⵎⵉⴽⴽ ⵉⵖⵜ ⵔⴳⵍⵏ ⵢⴰⵙⵉⵜ ⵉⴷ
ⴰⵜⵜⵏ ⵉⵛⵛ ⵓⴽⴰⵏ ⵓⵔⵜⴰⵜ ⵉⵍⴽⵎ ⵡⴰⴽⵓⵣ
ⵎⴰ ⴼ ⵔⴰ ⵜⵔⴳⵍⵜ ⵍⵇⴼⵓⵍ ⵉⵣⴷ ⴰⵃⴷⴷⴰⴷ
ⵎⵉⵢⵢⴰ ⵏ ⵜⵙⵓⵔⴰ ⴰⴷⴷ ⴽⵓⵍⵍⵓ ⵉⴳⴰ ⵖ ⵍⵊⵉⴱ
ⴳⵉⵖ ⵣⵓⴷ ⵓⴽⴰⵏ ⴰⴽⴹⵉⴹ ⵉⴽⵛⵎⵏ ⵊⵊⴰⵊ
ⵜⵉⴼⴰⵡⵜ ⵜⵍⵍⴰ ⵍⴱⴰⴱ ⴰ ⵓⵔ ⵏⵜⵜⵎⵏⵉⴷ
ⵎⴰⵙ ⵔⴰ ⵜⵜⴰⵡⵉⵜ ⴰ ⵓⵍ ⵉⵏⵓ ⵔⵊⴰ ⵖⵉⵍⴰⴷ
ⴰ ⵔⵊⴰ ⴼ ⵍⵍⴰⵀ ⴰ ⵣⵉⵏ ⵉⴽⵛⵎⴽ ⵍⵖⵔⴹ
ⵉⴽⵛⵎⴽⵯⵏ ⵟⵟⵎⵓ ⵉⵙⴷⵓⵍⵍⴰⴽⵯⵏ ⵓⵇⴰⵔⵉⴹ
ⵢⴰⵏ ⵙⵓⵍ ⵉⵜⵜⵔⴱⴱⵓⵏ ⵜⴰⵙⴰ ⵏⵙ ⵖⵉⵍⴰⴷ
ⴰ ⵔⵊⴰ ⴼ ⵍⵍⴰⵀ ⴰ ⵉⵎⵓⵔⵉⴳ ⵜⵔⵎⵉⵜ ⵉⴷⴷ
ⵢⴰⵏ ⵙⵓⵍ ⵉⵜⵜⵔⴱⴱⵓⵏ ⵜⴰⵙⴰ ⵏⵙ ⵖⵉⵍⴰⴷ
ⴼ ⵓⵃⴱⵉⴱ ⵉⵎⵕⴱⴱⴰ ⴰ ⴽⵔⴰ ⴰⴷ ⴰⵙⵏⵜ ⵉⵃⵔⴳ
ⴰ ⵔⵊⴰ ⴼ ⵍⵍⴰⵀ ⴰ ⵍⵎⵉⵣⴰⵏ ⵜⵔⵎⵉⵜⵉⴷⴷ
ⵉⵙⴳⵓⵔⴰⴽ ⵕⴱⴱⵉ ⵙ ⵓⴼⵓⵙ ⵏ ⵓⵎⵍⵎⴰⴷ
ⴰⵔ ⵙⵔⴽ ⵉⵣⵣⵏⵣⴰ ⵉⴼⵉⴼⵍ ⵙⵖⵏ ⵡⴰⵢⵢⴰⴹ
ⵉⵙ ⵍⴰⵃ ⵍⵃⵏⵏⴰ ⵓⵍⴰ ⵜⵉⵢⵢⵏⵉ ⴷ ⵍⵍⵓⵣ
ⵉⵣⴷ ⴰ ⵢⴰⵢⵢⵉⵙ ⵓⵔ ⵙⵓⵍ ⵉⴷⴷⵔ ⵓⵔⴽⴽⴰⴱ
ⵉⴷ ⴱⵉ ⵛⵛⴰⵀⴰⵡⴰ ⵓⵍⴰ ⴷⴷⴰⴳⵔⴰ ⴷ ⵍⵃⵔⴱ
ⴰⵢⴷⴰⵖ ⵥⵔⵉⵖ ⵍⵅⵏⴰⵛⵉ ⵜⵔⴱⵉⵜⵜⵏⵉⴷⴷ
ⴰ ⵔⵊⴰ ⴼ ⵍⵍⴰⵀ ⴰ ⴰ ⵍⵀⴰⵡⴰ ⵜⵍⵉⵜ ⵍⵄⵉⴱ
ⵉⵊⵍⴰ ⵍⵓⵜⴰⵔ ⵎⵙⴽⵉⵏ ⵓⵍⴰ ⵔⵔⵉⴱⴰⴱ
ⵓⵍⴰ ⵜⵉⵍⵍⵓⵏⴰ ⵉⵢⵃⴰⵃⴰⵏ ⴷ ⵍⵄⵓⵡⵡⴰⴷ
ⵍⴰ ⴳⵉⵜⴰⵔ ⵏⵜⵜⴰⵏ ⴷ ⵍⴱⴰⵏⵊⵓ ⴷ ⵍⵄⵓⴷ
ⴰ ⵉⴽⵛⵎⵏ ⵜⴰⵛⵍⵃⵉⵜ ⴰⴷ ⴰⵙ ⴳⵉⵏ ⵍⵄⵉⴱ
ⵎⴰⵏⵣⴰ ⴰⵡⴷⴷⵉ ⵊⴰⵏⵟⵉ ⵎⴰⵏⵣⴰ ⴰⵏⵛⵛⴰⴷ
ⴰⴷ ⵥⵔⵏ ⵍⵀⴰⵡⴰ ⵓⵍⴰ ⴰⵎⴰⵔⴳ ⵏ ⵙⵙⵄⵜⴰⴷ
ⴰ ⵔⵊⴰ ⴼ ⵍⵍⴰⵀ ⴰ ⵉⵎⵓⵔⵉⴳ ⵜⵔⵎⵉⵜ ⵉⴷⴷ
ⵎⴰⵏⵣⴰ ⴰⵡⴷⴷⵉ ⵊⴰⵏⵟⵉ ⵎⴰⵏⵣⴰ ⴰⵏⵛⵛⴰⴷ
ⴰⴷ ⵥⵔⵏ ⵍⵀⴰⵡⴰ ⵓⵍⴰ ⴰⵎⴰⵔⴳ ⵏ ⵙⵙⵄⵜⴰⴷ
ⵣⵓⵏⴷ ⵉⵔⵄⵎⴰⵏ ⵉⵖ ⴳⵉⵙⵏ ⵉⵍⵍⴰ ⵉⵚⵉⴹ
ⴽⴰⵢⴳⴰⵜⵜ ⵍⴼⵔⵇⴰ ⵜⴹⴼⵔⵜⵜⵉⴷ ⴽⴰ ⵜⴰⵢⵢⴰⴹ
ⵓⵙⵎⴰⵏ ⵣⵔⵉⵏ ⴰⵏⵣⴰⵔ ⵉⴼⵜⴰ ⵢⴰⴼⵓⴹ
ⵓⵔ ⵙⵓⵍ ⵉⵖⴰⵎⴰ ⴱⵍⴰ ⴰⴷⴷ ⵉⵏⴽⵔ ⵢⵉⴳⴳⵉⴳ
ⵉⵏⴳⵉ ⵡⴰⵙⵉⴼ ⵉⵙⵎⵓⵏ ⴰⵖ ⵙ ⵍⵎⵓⴼⵉⴷ
ⵖⴰⵢⴷⴰ ⵜⵍⴽⵎ ⵍⵓⵇⵜ ⵏⵜⵜⴰⵏ ⵃⴰⵇⵇ ⴰⵢⴰⴷ
ⵣⴰⵢⴷ ⴰⵡⴷⴷⵉ ⴰ ⵉⵅⴼ ⵏⵏⴰⵖ ⴼ ⵉⵎⵓⵔⵉⴳ
ⴰⴷⴷⵊⵉ ⵎⴷⴷⵏ ⵢⴰⵏ ⵔⴰⵏ ⵓⵔⵜⵏ ⵏⵃⵙⴰⴷ
ⵎⴰ ⵏⵔⴰ ⵙⵙⵓⵇ ⴰⴳⴳⵉⵙ ⵏⵜⵜⴰⵍ ⴼ ⵓⵎⴳⴳⵔⴹ
ⵏⵥⵔⴰ ⵜⴰⵎⵎⵏⵜ ⵏⵥⵔⴰ ⵍⵍⵓⵣ ⴳⴰⵏ ⵟⵟⵏⵥ
ⵜⵉⵙⴽⵔⵜ ⴷ ⵉⴼⵉⴼⵍ ⴷ ⵜⴽⵉⴹⴰ ⴰ ⵉⵍⴰⵏ ⵍⵄⵉⴱ
ⵜⵉⵙⴽⵔⵜ ⴷ ⵉⴼⵉⴼⵍ ⴷ ⵜⴽⵉⴹⴰ ⴰ ⵉⵍⴰⵏ ⴰⵜⵉⴳ
ⵎⴰⴽⴽ ⵙⵓⵍ ⵉⵔⴰⵏ ⴰⵍⵖⵍⵎⵉ ⵓⵍⴰ ⴽⴰⴱⴰⴱ
ⴰ ⵔⵊⴰ ⴼ ⵍⵍⴰⵀ ⴰ ⵉⵎⵓⵔⵉⴳ ⵜⵔⵎⵉⵜ ⵉⴷⴷ
ⵎⴰⴽⴽ ⵙⵓⵍ ⵉⵔⴰⵏ ⴰⵍⵖⵍⵎⵉ ⵓⵍⴰ ⴽⴰⴱⴰⴱ
ⴰⴽⴽ ⵙⵓⵍ ⵉⵙⵙⴰⵖ ⴰⵏⵏ ⴳⵉⴽ ⵉⴼⴽ ⴰⵇⴰⵔⵉⴹ
ⵉⵥⵔⴰⵏⵏ ⵍⵎⵉⵣⴰⵏ ⵜⴰⵎⵎⵓⵔⵖⵉ ⵜⵍⴽⵎⴷ
ⵢⴰ ⵉⴽⵔⵣⵏ ⵍⵉⵇⵇⴰⵎⵜ ⵓⴽⴰⵏ ⴽ ⴰⵜⵜⴳⵯⵔⴰⵥ
ⵉⵎⵎⴰ ⵏⴽⴽⵉⵏ ⵓⵔ ⵙⵉⵙ ⵏⴽⵚⵓⴹ ⴰⵎⵓⴷ
ⵓⵔ ⴷⴰⵔⵉ ⵎⴰ ⴼ ⴰⵜⵜⵔⵓⵙ ⴰⴱⵍⴰ ⵔⵉⴱⴰⴱ
ⴰ ⵔⵍⴰ ⴼ ⵍⵍⴰⵀ ⵉⵍⴽⵎⴷ ⵓⵜⴱⵉⵔ ⵍⴱⴰⵣ
ⵓⵔ ⴳⵉⵏ ⵍⵄⵉⵣⵣ ⵓⵡⴳⴰⵢⵢⵓ ⵏⵙⵏ ⵖ ⵍⴱⵔⵊ
ⴰⵔⴷ ⵉⵢ ⵜⵜⵍⵍⵉⵎ ⴰ ⵉⵣⵯⵏⴽⴰⴹ ⵙ ⵓⵚⵉⵢⵢⴰⴷ
ⴰⵔ ⵜⵉⴷ ⵍⴽⴽⵎⵏ ⴰⵔ ⵖⵉⵍⵍⵉ ⵖ ⵏⵉⵜ ⵉⴱⵉⴷⴷ
ⵢⴰ ⵉⵔⴰⵏ ⴰ ⵙⵙⵓⵍ ⵉⵙⵖ ⵉⵎⵉⵛⵛ ⴷ ⵍⴱⴰⵔⵓⴷ
ⵉⵙⵖ ⵍⵇⵯⵔⵟⴰⵙ ⵉⵊⵍⴰ ⴽⴰ ⵓⵔ ⵉⵅⴰⵍⵉⴹ
ⵉⴼⴽⴰ ⵕⴱⴱⵉ ⵜⵉⵜⴱⵉⵔⵉⵏ ⴷ ⵉⵣⵏⴽⵯⴰⴹ
ⴰ ⵔⵊⴰ ⴼⵍⵍⴰⵀ ⴰ ⵉⵎⵓⵔⵉⴳ ⵜⵔⵎⵉⵜⵉⴷⴷ
ⵉⴼⴽⴰ ⵕⴱⴱⵉ ⵜⵉⵜⴱⵉⵔⵉⵏ ⴷ ⵉⵣⵏⴽⵯⴰⴹ
ⴽⴰⵢⴳⴰⵜⵜ ⴰⵖⴰⵔⴰⵙ ⵎⵓⵏⵏⴷ ⴳⵉⵙ ⴽⴽⵓⵥ
ⵉⵔⵖⵓⴷ ⵕⴱⴱⵉ ⵢⴰⵏ ⴷⴷⴰⵔ ⵉⵚⵃⴰ ⵍⵎⵊⵉⴱⴱ
ⴰⵛⴽⵓ ⵙⵙⵄⵜⴰⴷ ⵍⴼⵍⵓⵙ ⴰ ⵉⴳⴰⵏ ⵍⴳⵉⴷ
ⵢⴰⵏ ⵎⵉ ⵜⴼⴽⵉⵜ ⴰⵍⴼ ⵔⵉⵢⴰⵍ ⵔⴰⴷⴷ ⵉⴳⵓⵙ
ⴰⵊⴷⴰⵄ ⵍⵍⵉ ⴷⴰⵔⵙ ⵉⵍⵍⴰⵏ ⵢⴰⵡⵉ ⵜⵉⴷ
ⵉⵔⵣⴰ ⵕⴱⴱⵉ ⵍⴰⵄⵔⴰⴹⴰ ⵏ ⴳⴰⵔ ⴰⵎⵓⴷ
ⵉⵙⵜⵉⵙ ⵏ ⵟⵟⴰⵚⵉⵍ ⵜⵉⵍⵍⵉ ⵉⵍⴰⵏ ⵍⵄⵉⵣⵣ
ⵎⴰⵖ ⵜⵏⵜ ⵓⴼⴰⵏ ⵉⴷ ⴱⵓ ⵟⵟⵎⵄ ⵡⴰⵍⴰ ⵟⵟⵏⵥ
ⵢⴰⵏ ⵎⵉ ⵜⵔⵣⴰ ⵍⵄⴰⵔⴰⴹⴰ ⵏⵙ ⵓⵍⴰ ⴰⵜⵉⴳ
ⵎⴰⵏ ⵙⵓⵍ ⵓⴷⵎ ⵟⵟⴰⴼⵏ ⴰⵙⵙⵔⵙⵏ ⵉⵜⵜⵎⵏⵉⴷ
ⵢⴰ ⵉⵍⴰⵏ ⵍⵄⴰⵇⵍ ⵏⵙ ⴰⴷⴷ ⴰⵟⵟⵣⵉⵖ ⵉⵜⵓⴱ
ⵉⵙⴽⵔ ⵍⵃⵙⴰⴱ ⵉ ⵍⵎⵓⵜ ⵉⵙ ⵔ ⴰⵢⵢⴰⴼⵓⴹ
ⵉⴳⵯⵎⵔ ⴱⴷⴷⴰ ⵓⵛⵛⵏ ⴰⵣⵎⵣ ⵖ ⵓⴽⵙⵙⴰⴱ
ⵉⵖ ⴽⴰ ⵉⵟⵟⴰⵚ ⵙⴰⵙⴷ ⵉⵙⵙⵓⵜⵍ ⵉ ⴱⵓ ⵢⵉⴷⴷ
ⵢⴰⵏ ⴷⴷⴰⵔ ⵓⵔ ⵉⵍⵍⴰ ⵓⴼⵓⵍⵍⵓⵙ ⵡⴰⵍⴰ ⵍⵄⴰⵔⴹ
ⴰ ⵔⵊⴰ ⴼⵍⵍⴰⵀ ⴰ ⵉⵎⵓⵔⵉⴳ ⵜⵔⵎⵉⵜ ⵉⴷⴷ
ⵢⴰⵏ ⴷⴷⴰⵔ ⵓⵔ ⵉⵍⵍⴰ ⵓⴼⵓⵍⵍⵓⵙ ⵡⴰⵍⴰ ⵍⵄⴰⵔⴹ
ⵉⵔⵖⵓⴷ ⴰⵙ ⵕⴱⴱⵉ ⵉⵖ ⴰⴽⴽ ⵉⴱⵏⴰ ⵙ ⵉⴼⵔⴳ
ⵓⵔ ⴷⴰⵔⵉ ⵢⴰⵜ ⵉⵚⵃⴰⵏ ⴰⵖⴷ ⵉⵙⵙⵉⵡⵉⴷ
ⵖⴰⵢⴷⴰ ⴽⵙⵙⴰⵖ ⵉⵖⵜⵏ ⵔⴰⵏ ⵀⴰⵜⵉ ⵖⵉⴷ
ⵀⴰ ⴽⵔⴰ ⵉⵍⵍⴰ ⴳⵉⵙ ⵡⴰⵟⵟⴰⵏ ⵖⴰⵔ ⵉⴱⵉⴷⴷ
ⵀⴰ ⴽⵔⴰ ⵉⵔⵎⵉ ⵀⴰ ⴽⵔⴰ ⴳⵉⵙⵏ ⴰⵊⴹⴹⵉⴹ
ⵢⴰⵏ ⵜⵏⵜ ⴷⴰⵔⵏⵖ ⵉⵥⵔⴰⵏ ⴰⴳⵯⵎⴰ ⵖⵉⵢⵢⵉⴹ
ⵉⴼⵔⵃ ⵉⵏⵏⴰ ⵜⵓⴼ ⴷⴰⵔⵉ ⵖⵜⵜⴰⴷ ⵍⵡⵉⵣⵣ
ⵉⵖ ⵜⵏⵜ ⵜⵓⵜ ⵜⴰⴼⵓⴽⵜ ⵉⵥⵔⵜⵜ ⵖ ⵓⵙⴰⵔⴰⴳ
ⴰⵔ ⴽⴰ ⵉⵟⵟⵥⵉ ⴷ ⵉⵅⴼ ⵏⵙ ⵉⵖⵜ ⵉⵢ ⵜⴳⵯⵔⴰⵥ
ⴰ ⵍⵄⴰⵇⵍ ⵢⵓⴷⴰⴽⵯⵃⵏ ⴰ ⵛⵛⴰⵀⵡⴰ ⵓⵔⵔⵉⴷ
ⴰ ⵍⵄⴰⵇⵍ ⵢⵓⴷⴰⴽⵯⵃⵏ ⴰ ⵛⵛⴰⵀⵡⴰ ⵓⵔⵔⵉⴷ
ⵓⵔ ⴳⵉⵖ ⵉⵖⴰⵎⴰ ⵍⵃⴰⵍ ⵉⵖ ⵏⵉⵜ ⵏⵥⵍⴹ
ⵏⵥⵔⴰ ⵡⴰⵍⵍⵉ ⴷⴷⴰⵔ ⵎⵍⵢⴰⵔ ⵡⴰⵍⴰ ⴽⴽⵓⵥ
ⵉⴱ ⵔⴰⴷ ⵛⵛⵉⵏ ⴰⵖⵔⵓⵎ ⵉⵛⵛⵜⵏ ⵙ ⵣⵣⵔⴱ
ⵉⵖ ⵔ ⴰⵢⵟⵟⴰⵚ ⵉⵟⵟⵚ ⵓⵔ ⴰⵙⴷ ⵉⵜⵜⴳⵯⵉⵣ
ⴰ ⵔⵊⴰ ⴼⵍⵍⴰⵀ ⴰ ⵉⵎⵓⵔⵉⴳ ⵜⵔⵎⵉⵜ ⵉⴷⴷ
ⵉⵖ ⵔ ⴰⵢⵟⵟⴰⵚ ⵉⵟⵟⵚ ⵓⵔ ⴰⵙⴷ ⵉⵜⵜⴳⵯⵉⵣ
ⵉⵖⴷ ⵉⴼⴰⵇ ⵉⵏⵏⴰ ⵓⵔ ⵉⵥⵥⵓⵍⵍ ⵀⴰⵏⵏ ⵉⴷⵏⴱ
ⴰⵔ ⵜⵏⵜ ⵉⵜⵜⴰⵊⵊⴰ ⴰⵔ ⴽⵉⵖ ⵉⵣⵔⵉ ⵍⵎⵖⵔⴱ
ⵉⵖⴷ ⵉⵏⵏⴰ ⴰⵍⵍⵀ ⵓⴽⴱⴰⵔ ⵉⵙⴽⵔ ⵍⵃⵙⴰⴱ
ⵍⵄⴰⵚⵔ ⵡⴰⵍⴰ ⴹⴹⵓⵀⵔ ⵡⴰⵍⴰ ⴰⴳⵯⵎⴰ ⵍⵎⵖⵔⴱ
ⵢⴰⵏ ⴷⴰⵇⵉⵇⴰ ⴰⴳⴳⵉⵙⵏ ⵉⴽⴽⴰ ⵉⵙⵔⴱⵉⵜⵏⴷ
ⵓⵔ ⴷⴰⵖ ⵏⵏⵉⵖ ⵎⴷⴷⵏ ⵉⵙ ⴰⴽⴽ ⴳⴰⵏ ⵎⴽⴰⴷ
ⵢⴰⵏ ⵎⵏⵏⴰⵡ ⵓⴽⴰⵏ ⴽⴰⵖ ⵏⵥⵔⴰ ⵖⵉⴽⴰⴷ
ⵢⴰ ⴷⴷⴰⵔ ⵉⵍⵍⴰ ⵍⵎⴰⵍ ⵉⵚⴼⴰⵏ ⵉⵚⴼⵓ ⵍⵇⵍⴱ
ⴰ ⵓⵔ ⵉⵛⵜⵜⴰ ⵜⵉⵖⵔⴰⴷ ⵏ ⴽⵔⴰ ⴱⵣⵣⵉⵣ
ⵓⵔ ⵙⴰⵔ ⴽⵚⵓⴷⵏ ⴽⵔⴰ ⵢⵉⵏⵏ ⵡⴰⵍⴰ ⵖⵉⴷ
ⵀⴰⵏⵏ ⵉⵚⵍⵃ ⵕⴱⴱⵉ ⵍⵀⴰⵡⴰ ⵓⵔ ⴰⵖ ⵉⵄⵉⴱ
ⴰⵔ ⴳⵉⵙⵏ ⵏⵜⵜⵉⵏⵉ ⵉⵡⴰⵍⵉⵡⵏ ⵏ ⵜⵜⴰⵡⴰⴱ
ⴰⵔⴷ ⵏⵜⵜⵔⵔⴰ ⵢⴰ ⵓⵔ ⵉⵍⵍⵉⵏ ⵖ ⵍⵃⵓⴷⵓⴷ
ⵉⵖⵯⵉⵜⵏ ⴼ ⵓⵙⵏⴼⵍ ⵉⴳ ⵉ ⵛⵛⵍⵓⵃ ⵍⵄⵉⵣⵣ
ⴰ ⵔⵊⴰ ⴼⵍⵍⴰⵀ ⴰ ⵉⵎⵓⵔⵉⴳ ⵜⵔⵎⵉⵜ ⵉⴷⴷ
ⵢⵓⵔⴰ ⵉⵡⴰⵍⵉⵡⵏ ⵉⵙⴳⵉⴷⴷⵉⵜⵜ :
ⵎⵓⵃⵎⴰⴷ ⵓⵡⴰⴷⵉ
11.04.2024 (2974)
ارجا ف لله ايموريكً ترميتيدّ
ئزد أنكشم غار د لبيت نقنتيدّ
ليغ سول ؤر نطّاف دار لحباب أتيكً
ؤرد أوال أداغ لاح ؤرد لويجاب
لاحباب لّيغ نسخر كاور نتّمنيد
أركا سول نكّي تخمّيمغ ئي سعتاد
ؤسّان د ئرن فتان اكّ س ؤزلماض
كيكًات لعام ئفل كًينغ أجضيض
يان دّار لمال ؤراس ئكس أغوجاج
ارجا ف لله ايموريكً ترميتيدّ
يان دار لمال ؤراس ئكس أغوجاج
راك نيت ئسّندام زو حرمن أقاريض
ارجا ف لله ايموريكً ترميتيدّ
يورا ئواليون ئسكَيدّيتّ :
محمد وادي
القصيدة كاملة على رابط المنشور التالي :
   • Запись