Karbala Zinda Rahi | Dasta E Imamia 2022 | Atir Haider | Muharram 1444

بسم اللہ الرحمن الرحیم

Dasta E Imamia Karachi
ALBUM 2022 | 1444

کربلا زندہ رہی
KARBALA ZINDA RAHI

Reciter | Atir Haider
Poet | DR Hilal Naqvi
Chorus | Own Rizvi & Co.
Audio | Lawa Studio
Video | 313 Productions

Follow Us On:
Facebook | YouTube | Twitter | Instagram | SoundCloud | Telegram | WhatsApp

Lyrics:

مرگئے سارے فسانے ، کربلا زندہ رہی
استغاثے میں جو گونجی وہ صدا زندہ رہی

1) یہ جو ہل من ناصراً ہے استغاثے میں عیاں
مقصدِ ابنِ علیؑ ہے اس کے تیور میں نہاں
عصرِ عاشورہ کی یہ ہم پر عطا زندہ رہی
مرگئے سارے فسانے، کربلا زندہ رہی

2) استغاثہ دے رہا ہے آج بھی ہم کو صدا
سوئے حق بڑھتے رہو لوگو بنامِ کربلا
یہ وہ مقتل ہے جہاں حق کی رضا زندہ رہی
مرگئے سارے فسانے، کربلا زندہ رہی

3) تھا شہیدانِ وفا کا یہ زمانے کو پیام
ہم نہ ہوں لیکن ہمارے حوصلوں کا ہو قیام
یہ شہیدوں کی تمنا جابجا زندہ رہی
مرگئے سارے فسانے، کربلا زندہ رہی

4) کٹ گئے بازو مگر اونچا رہا حق کا علم
مٹ نہیں سکتا کبھی ایسی شہادت کا حشم
سوگیا غازیؑ ترائی میں وفا زندہ رہی
مرگئے سارے فسانے، کربلا زندہ رہی

5) درد کے منظر جو نظروں سے ہٹا سکتے نہیں
کربلا کی پیاس کو دل سے بُھلا سکتے نہیں
دل کے ویرانے میں یادِ علقمہ زندہ رہی
مرگئے سارے فسانے، کربلا زندہ رہی

6) بے ردا بی بیؑ کی حرمت پر زمانے کا سلام
آج بھی باقی ہے اس سر کی ردا کا احترام
عالمِ نسواں میں زینبؑ کی ردا زندہ رہی
مرگئے سارے فسانے، کربلا زندہ رہی

7) یہ فُغاں یہ ذکر یہ رسمِ عزاء زینبؑ سے ہے
یہ عزاداری کا سارا سلسلہ زینبؑ سے ہے
جو کہ زینبؑ سے چلی وہ ابتداء زندہ رہی
مرگئے سارے فسانے، کربلا زندہ رہی


8) کیوں نہ ہم اس درد سے اُن کی عزاداری کریں
آج بھی ہر گھر میں برپا ہیں اُنہی کی مجلسیں
سب گھروں میں حرمتِ فرشِ عزاء زندہ رہی
مرگئے سارے فسانے، کربلا زندہ رہی

9) کمسنی میں صبر کا حق یوں ادا کرتے رہے
سوکھے ہونٹوں سے مگر شکرِ خدا کرتے رہے
پیاسے بچوں کی نگاہوں میں دُعا زندہ رہی
مرگئے سارے فسانے، کربلا زندہ رہی

10) مرثیے، نوحے ہماری ترجمانی ہیں ہلالؔ
گھٹ نہیں سکتا کبھی روحِ شہادت کا جلال
مرثیوں، نوحوں میں فکرِ کربلا زندہ رہی
مرگئے سارے فسانے، کربلا زندہ رہی
#ایام_عزاء
#محرم_الحرام
#یاحسین_ع
#کربلا