Salam Ay Maula Raza (a.s) | Marsiya e Shahdat e Imam Raza (a.s) | Ali Saqalain | AIM Toronto Canada

Salam e Maula Raza (a.s)

Recited by: Ali Saqalain
Poetry: Janab Rizwan Rizvi
Venue: Ali Islamic Mission, Toronto, Canada

----------------------------------------------------------------------------------------------------

Lyrics:
Yasrab may hay ghul mola watan choor' rahay hain
Dada ki tarha apna watan choor' rahay hain
Daadi ki bhi aur lahad e hasan choor' rahay hain
Hoti hay bohat dil may dukhan choor' rahay hain

Mashhad may bulaya hay imam e dosara ko
Aik runj o mahan aur dia mola raza ko

Salam Ay Mola Raza x 2


Mashhad may raza rahtay thay maghmoom o pereshaan'
Karbal kay shaheedon ka tha ghum dil pay nomayan'
Tar'pata tha din raat ghum e shah e shaheedan'
Phir rotay thay kartay thay raza chaak garaibaan'

Jub yaad aseeran e bala ki thi satati
To aankh laho ashkon' ki surat may banati

Salam Ay Mola Raza x 2


Al qissa kay ayyar nay jub zahar khilaya
Had darja sitam mola pay malaaon nay dhaya
Azaar ka aik koh e giraan' dil pay giraya
Farmatay thay mola kay payam e ajal aya


Kaat aisi this us zahar ki khoon' ankhon' say nikla
Talwoon' say tapaknay laga khoon' pairon' say nikla

Salam Ay Mola Raza x 2


Wo dard ki shiddat thi jigar katnay laga tha
Takleef thi itni kay jigar phatnay laga tha
Kut kar kai tukr'on may jigar batnay laga tha
Jaa per nahi rahta tha jigar hatnay laga tha

Kat-ti rahi mola ki ragain' sam kay asar say
Mo say baha wo khoon jo nikla tha jogar say


Salam Ay Mola Raza x 2



Mola ki kisi rag may khoon' bahta hi nahi tha
Jaari tha dahan say lahoo rukta hi nahi tha
Dil baith-ta seenay may tha chalta hi nahi tha
Aur dard barha jaata tha ghat-ta hi nahi tha

Aisay may bapa ghul hoa lo mar gaay mola
Ay momino sir peeto qaza kar gaay mola

Salam Ay Mola Raza x 2



Rizwan yeah lasha hay Ghareeb ul Ghuraba ka
Mazlomo kay ghum khwaar Moain-uz-zuafaa ka
Har marzi e mabood pay razi ba raza ka
Taboot hay farzand e nabi mola raza ka
Pursay kay liay aai hain Hasnain ki madar
Mayyat pay na ronay ko hay baiti na baradar


Salam Ay Mola Raza x 2