Скачать или смотреть Edicioni i Lajmeve Tv Klan 4 Mars 2026, ora

Lajme, #edicioniinformativ ora 23:40, 4 Mars 2026 #TvKlan #klanlajme

Spiker: Reis Çiço

Headlines

Kosova nis “telenovelën” për zgjedhjen e presidentit të ri. LVV nuk mbledh Kuvendin
Ka dështuar mbledhja e seancës parlamentare për zgjedhjen e presidentit të ri të Kosovës. Në mungesë të një marrëveshjeje me opozitën, Vetëvendosje e Albin Kurtit paraqiti në Kuvend vetëm emrin e Glauk Konjufcës, ndërkohë që duheshin të paktën dy kandidatë.

Lufta kundër Iranit angazhon edhe NATO-n. Aleanca rrëzon raketën e nisur drejt Turqisë
Mbrojtja ajrore e NATO-s rrëzoi një raketë iraniane të drejtuar drejt Turqisë. Për herë të parë që pas Luftës së Dytë Botërore, amerikanët sulmuan me nëndetëse një anije luftarake iraniane, duke vrarë të paktën 87 pjesëtarë të bordit. SHBA kanë të gatshëm 50 mijë ushtarë në Lindjen e Mesme.

Presidenti dekreton ndryshimet në qeveri. I hapet rruga votimit në seancë plenare
Presidenti i Republikës, Bajram Begaj, ka dekretuar sot ndryshimet në qeveri të propozuara nga kryeministri Edi Rama. Dekretet për shkarkimin dhe emërimin e ministrave të rinj pritet të miratohen nesër në seancë plenare në Kuvend.

Berisha: Më 12 mars zbresim në shesh. Rama po devijon ëndrrën europiane
Opozita do të protestojë sërish më 12 mars për të kërkuar largimin e kryeministrit Edi Rama. Sali Berisha akuzoi kreun e qeverisë për lidhje me krimin e organizuar, si dhe për devijim të orientimit europian të shqiptarëve me aleancën me Vuçiç.

“Fajtorë për vjedhje” – GJKKO dënon me 29 vite burg 8 të pandehurit e koncesionit të sterilizimit
Gjykata dha 29 vite burg në total për 8 të pandehurit e dosjes së koncesionit të sterilizimit. Ish-zëvendësministri i Shëndetësisë, Klodian Rrjepaj, dhe biznesmeni Ilir Rrapaj u dënuan me nga 6 vite burg secili për vjedhje përmes shpërdorimit të detyrës.

Zabaleta: Shqipëria ka shanse të shkojë në Botëror, por do të jetë e vështirë
Zëvendëstrajneri Pablo Zabaleta beson se Shqipëria ka shanse reale për të shkuar për herë të parë në Botëror. Ai thotë se kuqezinjtë kanë treguar edhe më parë se mund t’ia dalin, por shton se ndeshjet e “play-off”-it do të jenë shumë të vështira.SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/