Uyghur Song يىللارغا جاۋاب Yillargha Jawab

يىللارغا جاۋاب
تېكىستى: لۇتپۇللا مۇتەللىپنىڭ
تېكىست قوشۇلۇپ «مۇساپىرمەن» قانىلىدا تارقىتىلدى

ۋاقىت ئالدىراڭغۇ، ساقلاپ تۇرمايدۇ
يىللار شۇ ۋاقىتنىڭ ئەڭ چوڭ يورغىسى
ئاققان سۇلار، ئاتقان تاڭلار قايتىلانمايدۇ
يورغا يىللار ئۆمۈرنىڭ يامان ئوغرىسى

ياشلىق ئادەمنىڭ زىلۋا بىر چېغى
تولىمۇ قىسقا ئۇنىڭ ئۆمرى بىراق
يىرتىلسا كالېندارنىڭ بىر ۋارىقى
ياشلىق گۈلىدىن تۆكۈلىدۇ بىر يوپۇرماق

كۈرەشچان بالىلار قوغلىشىپ يىللار
كۈرەش نەۋرىلىرىنى چوقۇم تاپىدۇ
ئاخشام بەخت ئۈچۈن قۇربان بولغانلار
قەبرىسىنى يادلاپ گۈللەر ياپىدۇ

يىللار مەيدەڭنى تۇتۇپ قاقاقلاپ كۈلمە
ئالدىڭدا قىزىرىشتىن ئارتۇق كۆرىمەن ئۆلۈمنى
قېرىتىمەن دەپ ئارتۇق كۆڭۈل بۆلمە
ئاخىرقى جەڭگە ئاتاپ قويارمەن ئوغلۇمنى


Yillargha Jawab
Tékisti: Lutpulla Mutellipning
Tékist qoshulup "Musapirmen" qanilida tarqitildi

Waqit aldirangghu, saqlap turmaydu
Yillar shu waqitning eng chong yorghisi
Aqqan sular, atqan tanglar qaytilanmaydu
Yorgha yillar ömürning yaman oghrisi

Yashliq ademning zilwa bir chéghi
Tolimu qisqa uning ömri biraq
Yirtilsa kaléndarning bir wariqi
Yashliq gülidin tökülidu bir yopurmaq

Küreshchan balilar qoghliship yillar
Küresh newrilirini choqum tapidu
Axsham bext üchün qurban bolghanlar
Qebrisini yadlap güller yapidu

Yillar meydengni tutup qaqaqlap külme
Aldingda qizirishtin artuq körimen ölümni
Qéritimen dep artuq köngül bölme
Axirqi jengge atap qoyarmen oghlumni


йилларға җаваб
текисти: лутпулла мутәллипниң
текист қошулуп "мусапирмән" қанилида тарқитилди

вақит алдираңғу, сақлап турмайду
йиллар шу вақитниң әң чоң йорғиси
аққан сулар, атқан таңлар қайтиланмайду
йорға йиллар өмүрниң яман оғриси

яшлиқ адәмниң зилва бир чеғи
толиму қисқа униң өмри бирақ
йиртилса календарниң бир вариқи
яшлиқ гүлидин төкүлиду бир йопурмақ

күрәшчан балилар қоғлишип йиллар
күрәш нәврилирини чоқум тапиду
ахшам бәхт үчүн қурбан болғанлар
қәбрисини ядлап гүлләр япиду

йиллар мәйдәңни тутуп қақақлап күлмә
алдиңда қизириштин артуқ көримән өлүмни
қеритимән дәп артуқ көңүл бөлмә
ахирқи җәңгә атап қоярмән оғлумни