Rusiya Abxaziyanı Gürcüstana qaytarır?

Abxaziya və Cənubi Osetiya. Hər ikisi Gürcüstan ərazisidir. Amma Gürcüstan onları 2008-ci ildə itirib. Bu ərazilərə Rusiya nəzarət edir. Rusiya Abxaziya və Osetiyanı msütəqil dövlət kimi tanıyıb da. İndi xüsusilə Abxaziyada Gürcüstanda baş verənlərdən narahatdırlar. Niyəsinə keçək. Gürcüstanda etiraz aksiyaları həftələrdir davam edir. Əvvəl nisbətən sakit keçirdi. Sonradan iğtişaşlar və həbslərlə müşayiət olundu. Etirazlar “Xarici təsirin şəffaflığı haqqında” qanun layihəsinədir. Bir çoxları bu sənədi “rus qanunu” adlandırır. Gürcüstan parlamenti bu həftə sənədi qəbul etdi. Kobaxidze hökumətini gürcülərin etirazı narahat etmədi. Qərb isə Gürcüstandan narahatdır. ABŞ dövlət katibi Blinken, köməkçisi Obraynı təcili Tbilisiyə yolladı. Obrayn elə Gürcüstanda ikən ölkəni sanksiyalarla hədələdi. Kobaxidze əmin görünür. ABŞ-nin hədələrini əsassız hesab edir. Təbii ki, 46 yaşlı nazir sinəsini tək qabağa verməyib. “Gürcü arzusu” partiyasının yeni arzularını o həyata keçirir. Partiyanın təsisçisi Bidzina İvanişvili. Onu Rusiyanın adamı hesab edirlər. Hətta iddia olunur ki, Putinin tapşırıqlarını yerinə yetirir. Çünki Rusiya ona yaxınlaşan Gürcüstana işğal etdiyi ərazilərə nəzarəti verəcək. Guya Kreml bu yolla Gürcüstanı öz təsirinə qaytaracaq. Bu ehtimal nə qədər inandırıcı səslənir, bilmirəm. Rusiyanın işğal etdiyi hansısa ərazidən çıxmağı bir möcüzə ola bilər. Qonşu ölkədə baş verənlər müəmmalı olaraq qalır. Gürcü hökuməti “rus qanununu” niyə qəbul edir? Olanlar həm də narahatedicidir. Azərbaycanın strateji enerji və nəqliyyat xətləri Gürcüstandan keçir. Rusiya-Qərb qarşıdurması bu xətlər üçün də təhlükə yaradır. Bəs, Gürcüstanda hakimiyyət dəyişikliyi üçün necə? Gürcüstandakı xüsusi müxbirimiz Səid Babazadənın reportajı.

Bizi İzləyin:
Whatsapp: https://whatsapp.com/channel/0029Va8Q...
Facebook:   / ictimai.tv  
Instagram:   / ictimaitv.official  
Teleqram: https://t.me/tvictimai
Sayt: https://itv.az/

Copyright © İCTİMAİ TV

#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet