ન્યૂજર્સીની એક મોટેલમાં ગુજરાતી પતિ-પત્નીની જોરદાર બબાલ દરમિયાન થઈ પોલીસની એન્ટ્રી

ન્યૂજર્સીના વાઈલ્ડવુડમાં પત્ની સાથે બબાલ કરીને આખી મોટેલ માથે લેનારા ગુજરાતીને જેલની હવા ખાવાનો વારો આવ્યો છે. સિટી ઓફ વાઈલ્ડવુડ પોલીસના જણાવ્યા અનુસાર 02 સપ્ટેમ્બર 2024ના રોજ બનેલી આ ઘટનામાં એક મોટેલમાં પતિ-પત્ની વચ્ચે થયેલી બબાલે ઉગ્ર સ્વરૂપ ધારણ કરતાં પોલીસને કોલ કરવામાં આવ્યા હતો. બપોરે બાર વાગ્યે થયેલી આ બબાલમાં આરોપી રાકેશ પટેલે પત્ની સાથે તેનો ઝઘડો ચાલી રહ્યો હતો તે વખતે મોટેલના લૉબી ડોરને લાતો મારીને ખોલવાનો પ્રયાસ કર્યો હતો, જોકે પોલીસ જ્યારે મોટેલ પર પહોંચી ત્યારે રાકેશે નાસી છૂટવા પોતાની કાર તરફ ભાગ્યો હતો, તે કાર પાસે પણ પહોંચી ગયો હતો અને જ્યારે તેને અટકાવવાનો પ્રયાસ કરવામાં આવ્યો ત્યારે તેણે ઓન ડ્યૂટી પોલીસ ઓફિસર્સ સાથે ઝપાઝપી કરી હતી, પોલીસ સાથે જ મરામારી કરી રહેલા રાકેશે ઓફિસર્સનું હથિયાર છીનવા માટે પણ પ્રયાસ કર્યો હતો, જોકે 911 પર કોલ મળ્યા બાદ મોટેલ પર પહોંચેલા ઓફિસર્સે રાકેશ પટેલને પકડી લીધો હતો.

જુઓ અમારી વેબસાઈટ: https://www.iamgujarat.com/
વધુ વિડીયો જોવા માટે ક્લિક કરો: https://gujarati.timesxp.com/
IamGujarat સાથે વોટ્સએપ પર જોડાઓ: https://chat.whatsapp.com/Hjwo7YqSPxS...