Ўзбек қория | Фажр сураси, Қуръон қироат | Surah al-Fajr, Quran recitation

Описание к видео Ўзбек қория | Фажр сураси, Қуръон қироат | Surah al-Fajr, Quran recitation

ФАЖР СУРАСИ.

Маккада нозил бўлган, 30 оятдан иборат.

Бисмиллаҳир роҳманир роҳийм.

1. Фажр билан қасам.
2. Ва ўн кеча билан қасам.
3. Жуфту тоқ билан қасам.
4. Ва юрган тун билан қасам.
5. Мана шуларда ақл эгаси учун (қаноатлантирувчи) қасам бордир?!
6. Сенинг Роббинг Одга қандай (муомала) қилганини билмадингми?
7. Баланд устунли "Ирам"га?
8. Унинг мисли бошқа диёрларда халқ қилинмаганга?
9. Ва водийда харсанг тошларни кесиб (иморат ясаган) Самудни.
10. Ва кўп аскарлари бор Фиръавнни.
11. Улар турли ўлкаларда туғёнга кетган эдилар.
12. Улар у(ўлка)ларда бузғунчиликни кўпайтирган эдилар.
13. Бас, Роббинг уларнинг бошига турли азобларни қуйди.
14. Албатта, Роббинг кузатиб турувчидир.
15. Бас, қачон инсонни Робби синаш учун икром қилса ва неъмат берса, "Мени Роббим икром қилди", дейдир.
16. Бас, қачон Робби синаш учун ризқини тор қилиб қўйса, у: "Роббим мени хорлади", дейдир.
17. Йўқ! Балки сизлар етимларни икром қилмайсизлар.
18. Бир-бирингизни мискинларга таом беришга ундамайсизлар.
19. Ва меросни шиддат-ла ейсизлар.
20. Ва молни кўп яхши кўрасизлар.
21. Йўқ! Вақтики, ер зилзилага тушиб, парча-парча бўлиб кетса.
22. Ва Роббинг ва фаришталар саф-саф бўлиб келсалар.
23. Ва ўша кунда жаҳаннамни келтирса, ўша кунда инсон эслайдир. Лекин бу эслашдан энди не фойда.
24. У: “Афсуски, охират ҳаётимга ҳам бирор нарса тақдим қилсам бўлар экан”, дейдир.
25. Бас, ўша кунда Аллоҳнинг азобига ўхшаш азоб-ла ҳеч ким азобламайдир.
26. Ва Унинг боғлашига ўхшаш ҳеч ким боғламайдир.
27. Эй, хотиржам нафс!
28. Роббингга сен Ундан, У сендан рози бўлган ҳолда қайт!
29. Бас, бандаларим ичига киргин!
30. Ва жаннатимга киргин!

Шайх Муҳаммад Содиқ Муҳаммад Юсуф.
Тафсири Ҳилол.

Комментарии

Информация по комментариям в разработке