Скачать или смотреть ani aanatichhey krushnudu arjununito

🌺🍃🌺🍃🌺🍃🌺🍃🌺
#అన్నమయ్య_అక్షరవేదం ..సంపుటి -- 144

( #అనియానతిచ్చె_కృష్ణుడర్జునునితో ... )

🌺🍃🌺🍃🌺🍃🌺🍃🌺

ఓం నమో వేంకటేశాయ. 🙏

*అందరికీ గీతా జయంతి శుభాకాంక్షలు .*💐

✍️ -- మీ వేణుగోపాల్ యెల్లేపెద్ది 🙏

*అన్నమయ్య అక్షర వేదం ..సంపుటి -- 144 కి శుభ స్వాగతం ..*🙏

ప్రార్ధన ః-- 🌹🌹

భగవద్గీతను స్వయముగ
*భగవంతుడె దెలిపెనయ్య ! భవసాగరమున్ -
*తెగువన నీదుట నెట్లో ,
జగతికి బోధించెను నిజ జ్ఞానంబేదో !!

🌹🙏🌹

✍️ --స్వీయపద్యము ( కందము )

నా భావము ః-- 🌹🌹👇

వేదాంత సారమైన ఆ భగవద్గీతను స్వయముగా
భగవానుడే మనకు తెలిపెనని తెలుసుకుందాము ! 🙏

ఈ సంసారమనే సాగరమును ధైర్యముగా ఎలా ఈది ఒడ్డుకు చేరుకోవాలో , ఈ జగతి జీవులందరికీ చక్కగా చెప్పాడు !🙏

నిజమైన సుజ్ఞానము యేదో చక్కగా బోధించాడు స్వయముగా ఆ భగవానుడే !!🙏

🌺🍃🌺🍃🌺🍃🌺🍃🌺

గీతా సారమును తేటతెలుగు మాటలలో పాటలలో చెప్పుటకు పదకవితా పితామహుడైన అన్నమయ్యకు సాటి ఇంకెవ్వరూ లేరు ! 🙏

ఈ సంకీర్తన వినేముందు , పాడేముందు, చదివేముందు
ఈ క్రింది గీతా శ్లోకములను మున్నుడిగా అర్ధము చేసుకుంటే అన్నమ్మయ్య రచనా వైశిష్ట్యము ఎంత గొప్పదో అవగతమవుతుంది .🙏

15 వ అధ్యాయమైన పురుషోత్తమ ప్రాప్తి యోగము లోని 12 - 15 శ్లోకాలను గమనిద్దాము .

🌺🍃🌺🍃🌺🍃🌺🍃🌺

మున్నుడి ః-- 🌺🌺

యదాదిత్యగతం తేజో జగద్భాసయతేఽఖిలమ్ ।
యచ్చంద్రమసి యాచ్చాగ్నౌ తత్తేజో విద్ధి మామకమ్

।। 15-- 12 ।। 🌹

15.12: సమస్త సౌర మండలమును ప్రకాశింపచేసే సూర్యుని తేజస్సుని నేనే అని తెలుసుకొనుము. 🌹
చంద్రుని యొక్క ప్రకాశము మరియు అగ్ని యొక్క కాంతి నానుండే ఉద్భవిస్తున్నాయని తెలుసుకొనుము.🌹

గామావిశ్య చ భూతాని ధారయామ్యహమోజసా ।
పుష్ణామి చౌషధీః సర్వాః సోమో భూత్వా రసాత్మకః

*।। 15 -- 13 ।।*🌹

15.13: పృథ్వి యందు అంతటా ప్రవేశించి వ్యాపించి ఉండి, నేను సమస్త ప్రాణులను నా శక్తి చే పోషిస్తుంటాను.🌹
చంద్రుడిగా ఉండి, సమస్త వృక్షజాతికి పుష్టిని చేకూరుస్తుంటాను.🌹


అహం వైశ్వానరో భూత్వా ప్రాణినాం దేహమాశ్రితః ।
ప్రాణాపానసమాయుక్తః పచామ్యన్నం చతుర్విధమ్

।। 15 --14 ।। 🌹

15.14: నాలుగు రకాల ఆహారమును జీర్ణము చేసుకుని మరియు ఒంటబట్టించుకొనటానికి, జీవుల ఉదరములలో ప్రాణాపాన సంయుక్తమైన జఠరాగ్ని రూపమును నేనే స్వీకరిస్తాను.🌹


సర్వస్య చాహం హృది సన్నివిష్టో
మత్తః స్మృతిర్ జ్ఞానమపోహనం చ ।
వేదైశ్చ సర్వైరహమేవ వేద్యో వేదాంతకృద్వేదవిదేవ చాహమ్

।। 15 -- 15 ।। 🌹

15.15: నేను సమస్త ప్రాణుల హృదయములలో స్థితమై ఉన్నాను, నా నుండే జ్ఞాపకశక్తి, జ్ఞానము, మరియు విస్మృతి (మర్చిపోవుట) కలుగుతాయి.🙏

అన్ని వేదముల ద్వారా తెలుసుకోబడవలసిన వాడను నేను మాత్రమే, వేదాంత రచయితను నేనే, మరియు వేదార్ధమును తెలిసినవాడను నేనే.🙏

🌺🍃🌺🍃🌺🍃🌺🍃🌺

ఈ నాలుగు శ్లోకాలనే సంకీర్తన గా అలవోకగా వ్రాసి మనకు అందించారు అన్నమాచార్యుల వారు .🙏
మరి ఆ చక్కటి సంకీర్తన అర్ధము తెలుసుకుని పాడుకుందామా !!🙏

🌺🍃🌺🍃🌺🍃🌺🍃🌺

🌹🌹
ఈ విధముగా సాక్షాత్తు శ్రీ కృష్ణుడే ,అర్జుననకు ఉపదేశము చేసెను ! 🙏
ఓ జీవులారా మీ యందరూ కూడా ఇది ఆలకించి,
వివేకముతో పరమాత్ముని మాటలు గ్రహించుకుని , ఆతనిని భజించండి !🙏

🌹🙏🌹

🌹🌹

ఈ విధముగా భగవానుని ఉవాచ వినండి

సర్వాంతర్యామినైన నేను , భూమిలోపల సర్వ ప్రాణులనెల్లా , సాకుతున్నది నేనే !! 🙏

ప్రేమతో ఆ చంద్రుడనై , చల్లదనమునూ , నీటినీ ఇచ్చి ,
పంటలు పండించి , అందరినీ పోషిస్తున్న దేవుడను నేనై యున్నాను ! 🙏

🌹🙏🌹

🌹🌹
జీవులలో జఠరాగ్నినై , వారు తినే వివిధ అన్నములను ,ఆరగింపు అయ్యేటట్లు చేసే దివ్య శక్తిని నేనై యున్నాను ! 🙏

అందరి అంతరాత్మలలోనూ ,వెలుగై భాసిస్తూ ,యెఱుకలు , మరపులు , అన్నీ నేనే కలిగించు వాడనై యున్నాను ! 🙏

🌹🙏🌹

🌹🌹
వేదములు అన్నియూ దేనిని పొగడుచున్నవో అదినేనై యున్నాను . 🙏

ఎంతటి వేదాంత వేద్యులు అయినా తొలుతగా తెలుసుకొనదగిన వాడనునేనై యున్నాను .🙏

మీరందరు చక్కగా భావించగలిగితే ,
ఇక్కడే శ్రీదేవితో కూడి మీ కోసమే నిలిచియున్న ,
తిరువేంకటాద్రి నాధుడనూ కూడా నేనే అయి ఉన్నాను .🙏

🌹🙏🌹


*ఓమ్ శ్రీ అలమేలుమంగా సమేత శ్రీ వేంకటేశ్వర స్వామినే నమః !*🙏🙏

తాత్పర్య సహిత దృశ్య మాలికగా మీకు అందించాలన్న నా చిన్న ప్రయత్నమును ఆశీర్వదిస్తారని ఆశిస్తూ..🙏
దోషములున్న...మన్నించమని విన్నపము... 🙏
( అన్నమయ్య అక్షర వేదం --- సంపుటి 144)

✍️ *---వేణుగోపాల్ యెల్లేపెద్ది*🙏

🌺🍃🌺🍃🌺🍃🌺🍃🌺

🌹🌹 సంకీర్తన 🌹🌹



అని యానతిచ్చెఁ గృష్ణుఁ డర్జునునితో
విని యాతని భజించు వివేకమా // పల్లవి //

భూమిలోను చొచ్చి సర్వభూతప్రాణులనెల్ల
దీమసాన మోచేటిదేవుఁడ నేను
కామించి సస్యములు గలిగించి చంద్రుఁడనై
తేమల బండించేటిదేవుఁడ నేను // అని //

దీపనాగ్నినై జీవదేహములయన్నములు
తీపుల నరగించేటిదేవుఁడ నేను
యేపున నిందరిలోనిహృదయములోన నుందు
దీపింతుఁ దలఁపుమరపై దేవుఁడ నేను // అని //

వేదములన్నిటిచేతా వేదాంతవేత్తలచే
ఆది నే నెరఁగఁదగినయాదేవుఁడను
శ్రీదేవితోఁ గూడి శ్రీవేంకటాద్రిమీఁద
పాదైనదేవుడఁను భావించ నేను // అని //

🌹🙏🌹

#annamayyaaksharavedam #భగవద్గీత #గీతాజయంతి #annamayyabhagavadgeetasankeertanas
#aniaanatichchekrishnuduarjununito
#anamayasongslyricsenglishmeaning
#sjanakiannamayyasongs
#geetajayanti #gitajayanti