劉嘉玲為舞台劇苦練探戈 與老公梁朝偉喜迎家中新成員

劉嘉玲為舞台劇苦練探戈 與老公梁朝偉喜迎家中新成員

劉嘉玲同何超蓮現身銀行活動，咪見嘉玲談笑風生睇嚟好輕鬆，其實佢近日為咗同黃子華合作嘅舞台劇進入排戲階段，令佢變得好緊張。

嘉玲形容自己好似新學生返學感覺：「呢套戲經已做咗兩輪，會有個對比，我起碼唔想做得差過之前嗰啲。」嘉玲話要學形體動作，而家學跳探戈，不過老公梁朝偉就冇陪佢喺屋企跳。

日前出席湯鎮業嫁女婚宴，嘉玲話自己係男家邀請，因為湯鎮業定居內地，所以好耐冇見，當晚最開心見到好多TVB舊朋友。嘉玲話大家飲酒傾偈時，勾起唔少當年TVB拍劇時回憶。

近日屋企嚟咗兩位新成員，就係一對狗仔，嘉玲都話令忙碌嘅生活多咗樂趣，佢都解釋唔到點解會養狗仔，仲話以前唔准偉仔養狗，要佢將隻狗放喺媽咪度養，點知自己突然有呢個轉變，佢仲話偉仔開心到不得了，仲解釋兩隻寶貝名字由來。

同場出席嘅仲有韓國天王Rain，佢話每次來港都係來去匆匆，希望下次有時間可以喺香港遊覽。

#劉嘉玲 #何超蓮 #rain #黃子華 #舞台劇 #探戈 #湯鎮業 #嫁女 #見舊朋友 #轉變 #養狗仔 #開心 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0