Скачать или смотреть مجبوس ربيان 🦐🍤 على طريقتي الخاصة 😍

المقادير
٢ كيلو ربيان
كوبين ونص را بسمتي منقوع
نص كوب شبت مفروم
نص كوب كزبرة مفرومة
ربع كوب بقدونس مفروم
عود اوراق كاري
م ك ونص معجون زنجبيل
م ك ونص معجون ثوم
نص كوب طماطم معصورة
كوب بصل احمر مكعبات
نص كوب فلفل مكعبات
– البهارات /

م ك كاري
م ك بهار مشكل خليجي
م ص فلفل احمر
م ص هيل
م ك فلفل اسود
٢ م ك ملح ( او حسب الطعم )
٥ روبيان بقشره
ثلث كوب زيت نباتي
لومي صحيح
ماء مغلي للتسبيك لتر تقريبا
طريقة التحضير
١- نغلي الزيت بنار وسط عالية وننزل بالبصل لين يذبل : ثم باقي الخضراوات والربيان والبهارات والورقيات ونحمس شوي / نضيف عصير الطماطم والماء ونخليه يبدء يتسبك شوي مع الملح .

٢- نضيف الرز واللومي على اعلى نار نخليه يطبخ لين الماء يصير تحت الرز نخليه النار شمعة ونغطيه قصدير ٢٠ دقيقة ثم نقفل عليه النار .

٣- نفكه ونضيف الحشو مع الربيان ونخليه ١ دقايق مغلق ياخذ الطعم .

– للحشوة /

الربيان المقشر :

كوبين بصل اخضر
نص كوب حمص مجروش مطبوخ (ينسلق بماء ورشة ملح ١٥ دقيقة )
م ص هيل
م ص فلفل اسود
رشة زعفران (لو تحب )
م ك زيت
٢ م ك سمنة
ملح
ماء للحمس
نطبخ الربيان بصاج مع رشة ملح بالنار خفيفة بس ياخذ لون وينزل مويته ونشيله / النار اعلى شيء بصاج نحط البصل ونحمس ونضيف كل شوية رشة ماء عشان ما ينحرق ويتكرمل لمدة عشر دقايق / نضيف بعدها كل المكونات السابقة ونحمسهم ثم نضيف على الرز وقت ما يرتاح بعد الاستواء

قدمها مع المعبوج والدقوس والجرجر ومشروب اللبن وعليك بالعافية 😍