Скачать или смотреть #ព្រះបន្ទូលនៃសេច

#ចំណងជើងវីដេអូ៖ «ការសម្តែងចេញ និងការសណ្ឋិតនៃព្រះវត្តមានរបស់ព្រះ» The Expression And Embodiment Of Divinity

#រៀបរៀងឡើងដោយ Pastor Chris

#ព្រះបន្ទូលនៃសេចក្ដីពិតសម្រាប់ថ្ងៃសៅរ៍ ទី០៧ ខែមីនា ឆ្នាំ២០២៦

«ការសម្តែងចេញ និងការសណ្ឋិតនៃព្រះវត្តមានរបស់ព្រះ» The Expression And Embodiment Of Divinity

#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»

«ហេតុ​នោះ ចាប់​តាំង​ពី​ថ្ងៃ ដែល​យើង​ខ្ញុំ​ឮ​និយាយ នោះ​យើង​ខ្ញុំ​ក៏​អធិស្ឋាន​ឲ្យ​អ្នក​រាល់​គ្នា​ឥត​ឈប់​ឈរ ហើយ​ទូល​សូម ឲ្យ​អ្នក​រាល់​គ្នា​បាន​ស្គាល់​ព្រះ‌ហឫទ័យ​ទ្រង់​សព្វ​គ្រប់ ដោយ​គ្រប់​ទាំង​ប្រាជ្ញា នឹង​ចំណេះ​ខាង​ឯ​វិញ្ញាណ» (កូល៉ុស 1:9)

ព្រះអម្ចាស់យេស៊ូវ ទ្រង់គឺលើសពីអ្នកដឹកនាំសាសនាដ៏អស្ចារ្យ ឬជាអ្នកដែលទទួលបានការគោរពដ៏ខ្ពង់ខ្ពស់ទៅទៀត សរុបមក ព្រះអង្គមានភាពជាព្រះ ដែលមានរូបកាយបែបសាច់ឈាម, ទ្រង់គឺជាអង្គតំណាងនៃព្រះ។ នៅពេលដែលយើងនិយាយអំពីព្រះអម្ចាស់យេស៊ូវ នោះគឺយើងកំពុងតែនិយាយអំពីព្រះដែរ។ កណ្ឌគម្ពីរទីតុស ២:១៣-១៤ បានពណ៌នាអំពីទ្រង់ថាជា «ព្រះដ៏ខ្ពង់ខ្ពស់បំផុត»៖ «ទាំង​រង់‌ចាំ​សេចក្ដី​សង្ឃឹម​ដ៏​មាន​ពរ គឺ​ឲ្យ​បាន​ឃើញ​ដំណើរ​លេច​មក​នៃ​សិរី‌ល្អ​របស់​ព្រះ​ដ៏​ជា​ធំ នឹង​ព្រះ‌យេស៊ូវ​គ្រីស្ទ ជា​ព្រះ‌អង្គ​សង្គ្រោះ​នៃ​យើង...»។

ព្រះអង្គក៏ជាប្រភពសរុបនៃគ្រប់ទាំងប្រាជ្ញា និងចំណេះដឹងផងដែរ៖ កូឡុស ២:៣ ចែងថា៖ «ដែល​មាន​គ្រប់​ទាំង​ផល​ថ្លៃ​វិសេស​នៃ​ប្រាជ្ញា នឹង​សេចក្ដី​ចេះ​ដឹង​លាក់​ទុក​ក្នុង​ទ្រង់»។ ហាលេលូយ៉ា! នៅពេលដែលទ្រង់យាងកាត់តាមដងផ្លូវក្នុងស្រុកកាលីឡេ ណាសារ៉ែត និងយេរូសាឡិម នោះគឺជា "ប្រាជ្ញា"ទេ ដែលកំពុងតែដើរ នោះគឺជាតំណាងនៃប្រាជ្ញាផ្ទាល់តែម្តង គឺថា ទ្រង់ជាព្រះដែលស្ថិតនៅក្នុងរូបកាយជាសាច់ឈាម ដែលកំពុងតែបោះជំហាននៅលើផែនដីនេះ។

នៅពេលសេចក្តីយល់ដឹងនេះ បានដក់ជាប់ក្នុងវិញ្ញាណរបស់អ្នក នោះអ្នកនឹងដឹងថា សេចក្ដីនេះមានន័យយ៉ាងពិតប្រាកដ ជាមួយនឹងអត្តសញ្ញាណរបស់ព្រះអម្ចាស់យេស៊ូវ និងការអធិស្ឋានក្នុងព្រះនាមទ្រង់។ ព្រះនាមព្រះយេស៊ូវ មានអំណាចលើសអស់ទាំងឬទ្ធិអំណាចផ្សេងៗ មិនថា នៅស្ថានសួគ៌ លើផែនដី និងនៅក្រោមដីទេ។ ហើយនៅក្នុងសៀវភៅវិវរណៈ នោះព្រះគម្ពីរនេះ បានប្រាប់យើងនូវរឿងដ៏អស្ចារ្យនេះ។ ជាពេលសាវ័កយ៉ូហាន បានឃើញព្រះបល្ល័ង្កដ៏អស្ចារ្យរបស់ព្រះដ៏មានព្រះចេស្ដាបំផុត ព្រះអង្គនោះហើយ ដែលគង់នៅលើបល្ល័ង្កនោះ គឺព្រះអម្ចាស់យេស៊ូវ។ នេះបង្ហាញប្រាប់អ្នកថា តើទ្រង់គឺជាជានរណាឱ្យប្រាកដ។

នៅក្នុងព្រះគម្ពីរសញ្ញាចាស់ ព្រះបានបើកសម្តែងអង្គទ្រង់ដល់សាសន៍អ៊ីស្រាអែល តាមរយៈព្រះនាមផ្សេងៗគ្នា៖ ដូចជា ព្រះយេហូវ៉ា រ៉ាហ្វា (ព្រះអម្ចាស់ជាអ្នកប្រោសឱ្យជា), ព្រះយេហូវ៉ា ស៊ីតកេនូ (ព្រះអម្ចាស់ជាសេចក្តីសុចរិតរបស់ខ្ញុំ), ព្រះយេហូវ៉ា សាឡូម (ព្រះអម្ចាស់ជាសេចក្តីសុខសាន្តរបស់ខ្ញុំ) និងព្រះនាមជាច្រើនទៀត។ ក៏ប៉ុន្តែ ព្រះគម្ពីរចែងថា៖ ទ្រង់បានលើកតម្កើង "ព្រះបន្ទូល" របស់ទ្រង់ ឱ្យខ្ពស់ជាងអស់ទាំងព្រះនាមរបស់ទ្រង់ទៅទៀត (ទំនុកតម្កើង ១៣៨:២)។ តើនរណាជាព្រះបន្ទូល? គឺជាព្រះយេស៊ូវគ្រីស្ទ ទ្រង់គឺជាព្រះបន្ទូលដែលបានត្រលប់ជាសាច់ឈាម។

ឥឡូវនេះ ព្រះគម្ពីរចែងថា៖ «...នោះ​ឲ្យ​គ្រប់​ទាំង​ជង្គង់​នៅ​ស្ថាន‌សួគ៌ នៅ​ផែនដី ហើយ​នៅ​ក្រោម​ផែនដី​ត្រូវ​លុត​ចុះ 11ហើយ​ឲ្យ​គ្រប់​ទាំង​អណ្តាត​បាន​ថ្លែង​ប្រាប់​ថា ព្រះ‌យេស៊ូវ​គ្រីស្ទ​ទ្រង់​ជា​ព្រះ‌អម្ចាស់ សំរាប់​ជា​សិរី‌ល្អ​ដល់​ព្រះ​ដ៏​ជា​ព្រះវរ‌បិតា» (ភីលីព ២:១០-១១)។ នៅពេលដែលអ្នកដឹងថា ព្រះយេស៊ូវជាអ្នកណាយ៉ាងពិតប្រាកដ នោះអ្នកមិនអាចទប់ចិត្តមិនឱ្យស្រឡាញ់ទ្រង់បានឡើយ។ ការស្គាល់ទ្រង់ គឺស្មើនឹងការស្រឡាញ់ទ្រង់ ពីព្រោះទ្រង់គឺជាការសម្តែងចេញនូវអង្គព្រះ សិរីល្អ សេចក្តីសុចរិត និងសេចក្តីស្រឡាញ់របស់ព្រះ។ សូមថ្វាយការសរសើរតម្កើងដល់ព្រះ!

#សេចក្តីអធិស្ឋាន
ឱព្រះអម្ចាស់យេស៊ូវអើយ ទូលបង្គំសូមថ្វាយបង្គំ និងគោរពស្រឡាញ់ចំពោះព្រះអង្គ។ ព្រះអង្គគឺជាព្រះដ៏អស្ចារ្យបំផុត ជាព្រះអម្ចាស់ដ៏មានព្រះចេស្ដា និងមានអធិបតេយ្យភាពលើស្ថានសួគ៌ និងផែនដី។ ព្រះអង្គគឺជាព្រះនៃសិរីល្អដ៏ខ្ពង់ខ្ពស់ ជាព្រះសង្គ្រោះនៃពិភពលោក ជាស្តេចនៃសេចក្តីសុចរិត និងជាស្តេចដ៏នៅអស់កល្បជានិច្ច។ ព្រះអង្គប្រកបដោយព្រះគុណ សិរីល្អ សេចក្តីស្រឡាញ់ដ៏នៅអស់កល្ប៍ ភាពស្មោះត្រង់ សេចក្តីពិត និងយុត្តិធម៌ជានិច្ច។ ទូលបង្គំរស់នៅដោយភាពជោគជ័យជាមួយនឹងព្រះនាមរបស់ព្រះអង្គ ដ្បិតអី ព្រះអង្គគឺជាជីវិត ជាពន្លឺ និងជាអ្វីៗគ្រប់យ៉ាងរបស់ទូលបង្គំ។ អាម៉ែន។

#ការសិក្សាបន្ថែម៖ កូឡុស ២:៩ យ៉ូហាន ១៤:៩ ហេព្រើរ ១:៣