Скачать или смотреть #ព្រះបន្ទូលនៃ

#ចំណងជើងវីដេអូ៖ «ការភ្ញាក់ដឹងខ្លួនអំពីភាពជាព្រះអម្ចាស់របស់ទ្រង់»​ The Consciousness Of His Lordship

#រៀបរៀងឡើងដោយ Pastor Chris

#ព្រះបន្ទូលនៃសេចក្ដីពិតសម្រាប់ថ្ងៃអង្គារ៍ ទី១០ ខែមីនា ឆ្នាំ២០២៦

«ការភ្ញាក់ដឹងខ្លួនអំពីភាពជាព្រះអម្ចាស់របស់ទ្រង់»​ The Consciousness Of His Lordship

#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»

«ឥឡូវ​នេះ ខ្ញុំ​ផ្ញើ​អ្នក​រាល់​គ្នា​ទុក​នឹង​ព្រះ ហើយ​នឹង​ព្រះ‌បន្ទូល​នៃ​ព្រះ‌គុណ​ទ្រង់ ដែល​អាច​នឹង​ស្អាង​ចិត្ត ហើយ​នឹង​ឲ្យ​អ្នក​រាល់​គ្នា​មាន​កេរ្ដិ៍‌អាករ​នៅ​ក្នុង​ពួក​នៃ​អស់​អ្នក​ដែល​បាន​ញែក​ជា​បរិសុទ្ធ» (កិច្ចការ ២០:៣២)

ឥឡូវនេះ អ្នកស្ថិតនៅក្នុងព្រះគ្រីស្ទហើយ ការណ៍នេះ គឺធ្វើឲ្យអ្នកមានជីវិតថ្មី ដែលជាជីវិតត្រូវបានដាក់ឲ្យនៅក្រោមភាពជាព្រះអម្ចាស់របស់ព្រះយេស៊ូវ។ ទោះជាយ៉ាងណាក៏ដោយ មានគ្រីស្ទានជាច្រើន នៅមិនទាន់មានការភ្ញាក់ដឹងខ្លួនយ៉ាងពេញលេញអំពីភាពជាព្រះអម្ចាស់របស់ព្រះយេស៊ូវ នៅក្នុងជីវិតប្រចាំថ្ងៃរបស់ពួកគេនៅឡើយទេ។ នៅពេលដែលអ្នកនិយាយថា៖ ព្រះយេស៊ូវគ្រីស្ទជាព្រះអម្ចាស់នៃជីវិតរបស់អ្នក នោះមានន័យថា ព្រះបន្ទូលរបស់ទ្រង់ បានក្លាយជាសិទ្ធិអំណាចដ៏ខ្ពស់នៅក្នុងជីវិតរបស់អ្នកបាន។

ដំបូងឡើយ ភាពជាព្រះអម្ចាស់របស់ព្រះគ្រីស្ទ ត្រូវបានសម្តែងចេញតាមរយៈភាពជាអម្ចាស់នៃព្រះបន្ទូល។ ដូច្នេះ អ្នកមិនអាចប្រតិបត្តិការផ្សេងៗជាមួយនឹងភាពជាព្រះអម្ចាស់របស់ព្រះយេស៊ូវបានឡើយ បើគ្មានការចុះចូលចំពោះសិទ្ធិអំណាចនៃព្រះបន្ទូលរបស់ទ្រង់ជាមុន។ ព្រះបន្ទូលនោះ ត្រូវបានពណ៌នានៅក្នុងព្រះគម្ពីរថា ជា «ព្រះបន្ទូលនៃព្រះគុណ»; នោះហើយជាអ្វីមួយដែលកសាងអ្នកឡើងជាមួយនឹងជីវិតនេះ, ពង្រឹងអ្នកឡើង និងបង្កើតអ្នកឡើងឱ្យមាំមួននៅក្នុងមរតកដែលជារបស់អ្នកនៅក្នុងព្រះគ្រីស្ទផងដែរ។

នេះគឺជាមូលហេតុដែលអ្នកមិនអាចបណ្តោយខ្លួនឱ្យនៅគ្រប់ទីកន្លែង ឬស្តាប់អ្វីៗគ្រប់យ៉ាងតាមតែចិត្តបានឡើយ។ មិនមែនរាល់សេចក្តីអធិប្បាយសុទ្ធតែបង្កើត ឬធ្វើឱ្យមានការលូតលាស់នោះទេ។ ព្រះបន្ទូលនៃព្រះគុណ នឹងបើកបង្ហាញអំពីព្រះគ្រីស្ទ, នឹងបង្ហាញអំពីកិច្ចការដែលទ្រង់បានសម្រេចរួចរាល់ ហើយផ្ដល់នូវជំនឿ ភាពក្លាហាន និងការភ្ញាក់ដឹងខ្លួនអំពីមរតករបស់អ្នកបាន។ នោះហើយជាអ្វីមួយដែលផ្ដល់អំណាច ឬព្រះចេស្ដាឱ្យអ្នកអាចប្រតិបត្តិប្រកបដោយប្រសិទ្ធភាព រួមជាមួយនឹងភាពជាព្រះអម្ចាស់របស់ព្រះយេស៊ូវ។

ដូច្នេះ ចូរសម្រេចចិត្តរស់នៅក្រោមសិទ្ធិអំណាចនៃព្រះបន្ទូលជានិច្ច។ កាលណា អ្នកចុះចូលចំពោះព្រះបន្ទូលកាន់តែខ្លាំង នោះអ្នកនឹងប្រតិបត្តិតាមការភ្ញាក់ដឹងខ្លួន អំពីភាពជាព្រះអម្ចាស់របស់ទ្រង់កាន់តែខ្លាំងឡើងដែរ ហើយនោះគឺ ដើម្បីឱ្យសិរីល្អរបស់ទ្រង់ ត្រូវបានសម្តែងចេញមកក្នុងជីវិតរបស់អ្នកឲ្យកាន់តែរីកចម្រើនឡើងជាលំដាប់។

#ការសារភាព
ទូលបង្គំប្រគល់ខ្លួនទាំងស្រុងចំពោះឬទ្ធិអំណាចនៃព្រះបន្ទូលរបស់ព្រះ ដែលជាព្រះបន្ទូលនៃព្រះគុណ សម្រាប់កសាងទូលបង្គំឡើង ពង្រឹងទូលបង្គំឡើង និងដាក់ទូលបង្គំឲ្យនៅក្នុងមរតករបស់ទូលបង្គំដែលមាននៅក្នុងព្រះគ្រីស្ទ។ ទូលបង្គំកំពុងតែលូតលាស់ ហើយក៏មានការរីកចម្រើនឡើងដែរ សម្រាប់ជាការបង្ហាញអំពីសិរីល្អរបស់ព្រះកាន់តែខ្លាំងឡើងៗ ពីព្រោះទូលបង្គំគឺជា អ្នកប្រតិបត្តិតាមព្រះបន្ទូល។ ព្រះបន្ទូលរបស់ព្រះគឺជាជីវិត និងជាអ្វីៗគ្រប់យ៉ាងរបស់ទូលបង្គំ។ ហាលេលូយ៉ា!

#ការសិក្សាបន្ថែម៖ កូឡុស ៣:១៦ យ៉ាកុប ១:២១ ២ ធីម៉ូថេ ៣:១៦-១៧