Скачать или смотреть #ព្រះបន្ទូលនៃសេចក្ដីពិតសម្រាប់ថ្ងៃច័ន្ទ

#ចំណងជើងវីដេអូ៖ «គ្រីស្ទានមានជ័យជម្នះលើបណ្ដាសា» The Christian Can’t Be Cursed

#រៀបរៀងឡើងដោយ Pastor Chris

#ព្រះបន្ទូលនៃសេចក្ដីពិតសម្រាប់ថ្ងៃច័ន្ទ ទី០៩ ខែមីនា ឆ្នាំ២០២៦

«គ្រីស្ទានមានជ័យជម្នះលើបណ្ដាសា» The Christian Can’t Be Cursed

#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»

«ឥត​ធ្វើ​ការ​អាក្រក់​ស្នង​នឹង​ការ​អាក្រក់ ឬ​ពាក្យ​ប្រមាថ​ស្នង​នឹង​ពាក្យ​ប្រមាថ​ឡើយ គឺ​ត្រូវ​ឲ្យ​ពរ​វិញ ដោយ​ដឹង​ថា ទ្រង់​បាន​ហៅ​អ្នក​រាល់​គ្នា មក​ឯ​សេចក្ដី​នោះ​ឯង ដើម្បី​ឲ្យ​បាន​ព្រះ‌ពរ​ទុក​ជា​មរដក» (១ ពេត្រុស ៣:៩)

មានមនុស្សមួយចំនួនតែងតែរអ៊ូរទាំអំពីកាលៈទេសៈនៅក្នុងជីវិតរបស់ពួកគេ ដោយគិតថា ហេតុផលដែលអ្វីៗមិនដំណើរការល្អ គឺប្រហែលជាដោយសារតែពួកគេស្ថិតនៅក្រោមបណ្ដាសាអ្វីមួយ។ ក៏ប៉ុន្តែ ប្រសិនបើ អ្នកជាគ្រីស្ទាន ព្រះបន្ទូលរបស់ព្រះបានបញ្ជាក់យ៉ាងច្បាស់ៗថា៖ អ្នកមិនអាចត្រូវបណ្ដាសាបានឡើយ។ មិនថា បណ្ដាសានៅក្នុងគ្រួសារ បណ្ដាសាពីដូនតា ឬបណ្ដាសាពីសត្រូវ ក៏មិនអាចមានប្រសិទ្ធភាពប្រឆាំងទាស់នឹងអ្នកបានដែរ។ មានតែព្រះពរប៉ុណ្ណោះ ដែលត្រូវបានអនុញ្ញាតឱ្យមានឥទ្ធិពល និងមានជ័យជម្នះជាមួយនឹងជីវិតរបស់អ្នក។

សូមពិចារណាម្ដងទៀតនូវអ្វីដែលយើងបានអានក្នុងខគម្ពីរខាងលើនេះ៖ អ្នកត្រូវបានហៅឱ្យមកទទួលមរតក ដែលនោះជាព្រះពរ។ លើសពីនេះទៅទៀត ព្រះគម្ពីរចែងថា៖ «បើអ្នកណាដែលស្ថិតនៅក្នុងព្រះគ្រីស្ទ អ្នកនោះ បានកើតជាថ្មីហើយ…» (២ កូរិនថូស ៥:១៧)។ អ្នកគឺជាអ្នកដែលបានកើតជាថ្មី ដែលមានឋានៈខ្ពស់ជាងពួកសាតាំង និងអស់ទាំងអំពើផ្សេងៗរបស់ពួកវា។ ដូច្នេះ វាមិនមានបញ្ហាអ្វីឡើយ ទោះបីជា អ្នកត្រូវបានគំរាមកំហែងដោយគ្រូធ្មប់ ឬគ្រូសីលណាក៏ដោយ ដ្បិតអី គ្មានមន្តអាគម ឬគ្រូធ្មប់បាធ្យាណា អាចប្រឆាំងនឹងអ្នកបានទេ ព្រះគម្ពីរចែងថា៖ «គ្មាន​មន្ត​វិជ្ជា​ការ​ណា​នឹង​ដាក់​ពួក​យ៉ាកុប ឬ​អំពើ​អំពាន់​ណា​ដាក់​សាសន៍​អ៊ីស្រាអែល​ត្រូវ​ទេ...» (ជនគណនា ២៣:២៣)។

សូមយល់អំពីចំណុចនេះ៖ សេចក្តីពិតដែលមិនបានដឹងគឺគ្មានអំណាចទេ ក៏ប៉ុន្តែ សេចក្តីពិតដែលបានដឹង នោះនឹងលើកតម្កើងអ្នកឡើង។ ប្រសិនបើ អ្នកមិនដឹងពីអ្វីមួយដែលព្រះបានមានបន្ទូលអំពីអ្នកទេ នោះអ្នកអាចនឹងដើរក្នុងសេចក្តីភ័យខ្លាច និងការជាប់ចំណងបាន។ ក៏ប៉ុន្តែ ចំណេះដឹងដ៏ត្រឹមត្រូវនៃព្រះបន្ទូលនឹងធ្វើឱ្យអ្នកមានសេរីភាពវិញ៖ «អ្នក​រាល់​គ្នា​នឹង​ស្គាល់​សេចក្ដី​ពិត ហើយ​សេចក្ដី​ពិត​នោះ​នឹង​ប្រោស​ឲ្យ​អ្នក​រាល់​គ្នា​បាន​រួច» (យ៉ូហាន ៨:៣២)។

ដូច្នេះ អ្នកមិនត្រូវការនរណាម្នាក់មក "ដោះ" បណ្ដាសាចេញពីអ្នកទៀតឡើយ។ ព្រះគ្រីស្ទបានទទួលយកបណ្ដាសានេះជំនួសអ្នករួចជាស្រេចហើយ ហើយនៅក្នុងទ្រង់ អ្នកត្រូវបានរំដោះ និងនាំចូលមកកាន់សេរីភាពដ៏រុងរឿងរបស់កូនព្រះ អ្នកមានសេរីភាពជារៀងរហូត! ចូរគិតមើលថា៖ ប្រសិនបើ អ្នកត្រូវបណ្ដាសា តើនរណាជាអ្នកអនុវត្តវា? ជាអារក្សឬ? អ្នកមានអំណាចខ្លាំងជាងវា និងបក្ខពួករបស់វាទាំងអស់រួមបញ្ចូលគ្នាទៅទៀត។

ចុះចំណែកឯព្រះវិញ? គឺថា៖ទ្រង់នឹងមិនអនុញ្ញាតិឲ្យបណ្ដាសាណាមួយ ប្រឆាំងទាស់នឹងកូនរបស់ទ្រង់ឡើយ។ មានតែគ្រីស្ទានណា ដែលមិនអើពើ ឬមើលងាយព្រះបន្ទូលរបស់ព្រះប៉ុណ្ណោះ ទើបរស់នៅដែលហាក់ដូចជា ស្ថិតក្រោមបណ្ដាសាវិញ។ ការបោះបង់ចោល ការបដិសេធ ឬការមើលងាយព្រះបន្ទូល គឺជាការដើរចេញពីការការពារនៃសេចក្តីពិត ហើយចំណុចនោះឯង ដែលក្លាយជាបណ្ដាសា ព្រោះព្រះគម្ពីរចែងថា៖ «អ្នក​ណា​ដែល​មើល‌ងាយ​ព្រះ‌បន្ទូល នោះ​នឹង​នាំ​ឲ្យ​ខ្លួន​ត្រូវ​វិនាស តែ​អ្នក​ណា​ដែល​កោត‌ខ្លាច​ដល់​ក្រឹត្យ‌វិន័យ នោះ​នឹង​បាន​រង្វាន់​វិញ» (សុភាសិត ១៣:១៣)។

ដូច្នេះ ដរាបណាអ្នកនៅក្នុងព្រះគ្រីស្ទ ហើយប្រគល់ខ្លួនឱ្យព្រះបន្ទូល នោះអ្នកនិងត្រូវបានដឹកនាំដោយព្រះវិញ្ញាណ នោះអ្នកគឺជា មនុស្សដែលគ្មានអ្វីអាចប៉ះពាល់បានឡើង តែមានរឿងតែមួយគត់នោះគឺថា អ្នកដើរជាមួយនឹងព្រះពរវិញ។ អញ្ចឹងហើយ អ្នកអាចរស់ដោយមានតែជ័យជម្នះ និងដើរដោយភាពក្លាហានជាមួយនឹងមរតករបស់អ្នកដែលនៅក្នុងព្រះគ្រីស្ទ, នោះអ្នកនឹងត្រូវបានប្រកាស់ថា មានពរ នឹងព្រះចេស្ដាមែន។ សូមថ្វាយការសរសើរតម្កើងដល់ព្រះ!

#សេចក្តីអធិស្ឋាន
ឱព្រះវរបិតាជាទីស្រឡាញ់អើយ ទូលបង្គំសូមអរព្រះគុណព្រះអង្គ សម្រាប់ព្រះពរនៃជីវិតនេះ ដែលព្រះអង្គបានប្រទានឱ្យទូលបង្គំនៅក្នុងព្រះគ្រីស្ទ។ ទូលបង្គំរស់នៅខ្ពស់ជាងឥទ្ធិពលនៃសេចក្តីងងឹត ដោយដើរជាមួយនឹងសេរីភាពនៃព្រះបន្ទូលរបស់ព្រះអង្គ។ ទូលបង្គំដើរដោយជ័យជម្នះ និងគ្រប់គ្រងដោយសេចក្តីសុចរិតដែលមាននៅក្នុងព្រះគ្រីស្ទ ដូច្នេះ ទូលបង្គំនឹងត្រូវបានប្រកាស់ថា មានពរ នឹងព្រះចេស្ដាមែន ក្នុងព្រះនាមព្រះយេស៊ូវ។ អាម៉ែន។

#ការសិក្សាបន្ថែម៖ ជនគណនា ២៣:២៣ អេភេសូរ ១:៣ កូឡុស ១:១៣ កាឡាទី ៣:១៣-១៤