Скачать или смотреть كابلي لحم ، الكابلي باللحم ( فهد الشعيبي ، كلن بتوقيته )

الكابلي باللحم
#فهد_الشعيبي #كلن_بتوقيته
المقادير :
قطع لحم متوسطة
بهارات صحيحة (هيل ،قرفة ،قرنفل ،ورق غار)
قطع بطاطس كبيرة
بصل شرايح
ثوم مهروس
رز مسلوق نص سلقة
برتقالة مقطعة أربع قطع
عصير برتقالة ونحتفظ بقشرها ونقطعه شرايح
٣ ملاعق معجون طماط
ملح ، فلفل أسود ، بهار مشكل ، فلفل حار
ماء ورد أو ماء كادي
منقوع زعفران
زيت نباتي أو قطع شحم 😅✌🏼

الطريقة :
نسلق اللحم نص سلقة مع بهارات صحيحة فقط ثم نحمي الزيت على نار عالية ونحط البصل ونقلبه شوي لين يذبل ثم نضيف الثوم ونقلبه لين تطلع ريحته ونضيف له معجون الطماط ونقلبه كويس لين يتمازج ولو شفناه ناشف نرشه بموية ، وبعدها نضيف البرتقال وعصير البرتقال والقشر ونقلبهم زين ونضيف عليهم اللحم ونقلبه شوي ونقصر النار عليه ونخليه يتسبك ٥ دقايق ونضيف له بيالة موية ورد او كادي ونقلبه ونخليه ٥ دقايق يتمازج ونضيف له موية من سلق اللحم يدوووب تغطيه بس ونقفل عليه القدر ونخليه يتمخمخ نص ساعة كذا ونفتح عليه ونضيف له البطاطس ونقلبه شوي ولازم الموية ما يكون ارتفاعها اكثر من عقلة إصبع ونحرص ما نقلب البطاطس كثير عشان ما ينهرس ونخليه من ربع الى ثلث ساعة لما يستوي البطاطس ويشرب باقي الموية بعدها نكب الرز المسلوق نص سلقه فوق الخليط وحط منقوع الزعفران ونكتم عليه بالقصدير نغطيه على أقصر درجة حرارة ونخليه من ١٥ الى ٢٠ دقيقة ويجهز ..
وبالعاااااافية عليكم 🌹🌹🌹👌🏼

#طبخ #طبخات #طبخاتي #مطبخ #طبخي #طباخي #فهد_الشعيبي #كلن_بتوقيته #مميز #لذيذ #شغل_عدل #ترتيب #كابلي