Скачать или смотреть சிதானந்த ரூபம் சிவோஹம்! சிவோஹம்!! WISDOM FORM OF SHIVA IS I AM!  SHIVA IS I AM?!.....

   டிசம்பர் 31.               புதன்

 

சிதானந்த ரூபம் சிவோஹம்!

                      சிவோஹம்!!


பஞ்ச பூதங்களால் ஆன உடம்பு நானல்ல. எண்ணங்களான மனம் நானல்ல. இவற்றை நானல்ல என்று ஒதுக்கும் அகந்தை நானும் நானல்ல. அறிவு வடிவான சிவமே நான்! சிவமே நான்!!

—------------------------------------------------.  

WISDOM FORM OF SHIVA IS I AM!

                   SHIVA IS I AM?!.....


The BODY which is made up of five elements is not me. The MIND  which is the THOUGHTS, is also not me. The ‘EGO I’ that rejects these as not me,   is also not me. The WISDOM FORM of SHIVA is I AM! SHIVA is I AM!.

—------------------------------------------------

அனைத்து கற்பனைத் தோற்றங்களும் நீங்கிய அறிவே உண்மை அறிவு. பகவான் ரமணர் ஒரு‌ உபதேச உந்தியார் பாடலில் இதை தருகிறார்.


தன்னை யுபாதிவிட் டோர்வது தானீசன் 

றன்னை யுணர்வதா முந்தீபற 

தானா யொளிர்வதா லுந்தீபற


தன்னைப் பற்றிய அறிவும், உலகத்தைப் பற்றிய அறிவும் அகந்தை அறிவு. அது பேய் அறிவு அது உண்மை அறிவல்ல. அகந்தை அறிவு சுய அறிவல்ல. உபாதி அற்ற அறிவே உண்மையான தானே பிரகாசிக்கும் சுய அறிவு. உபாதி அற்று தன்னை உணர்வது ஈசனை உணர்வதாகும்.


‘தான்’ எனப்படும் சீவனும் ‘அது’ எனப்படும் ஈசனும் அடிப்படையில் ஒன்று.


தனாதியல் யாதெனில் தான்றெரி 

கிற்பின் 

னனாதி யனந்தசத் துந்தீபற

வகண்ட சிதானந்த முந்தீபற


சீவன் தன்னுடைய எப்போதும் உள்ள அடிப்படை இயல்பு யாது என்று மனதின் உள்ளே ஆராய்ந்தால், தொடக்கமும் முடிவும் இல்லாத ‘சத்சித்’ எனும் தன் ஆத்ம சொரூபம் விளங்கும். அதை மேலும் ஆராய்ந்து கொண்டே போனால் நம் சொரூபம் எல்லையற்ற சச்சிதானந்த (சத்-சித்-ஆனந்த) சொரூபமாக விரிந்து கொண்டே செல்லுவதை உணரலாம்.


உபாதி அற்ற வெற்றிறவே சிவம். சும்மா இருப்பதே சிவம். எனவேதான் சிவஞானிகள் சும்மா இருக்கும் சுகத்திற்காக சிவனிடம் பிரார்த்திக்கின்றனர்.


திருமூல நாயனார் சிவ சிவ என்ற திருநாமத்தின் பெருமையை பேசுகிறார் 


சிவ சிவ என்கிலர் தீவினையாளர்

சிவ சிவ என்றிட தீவினை மாளும் 

சிவ சிவ என்றிட நல்ல‌ தேவரும் ஆவர்

சிவ சிவ என சிவகதி தானே.


தீவினை புரிபவர்கள் சிவ சிவ என்ற சிவத் திருநாமத்தை சொல்ல மாட்டார்கள். அவர்கள் சிவ நாமத்தின் மகிமை அறிந்து சொன்னால் அவர்களின் தீவினை நீங்கும். சிவ சிவ‌ நாமம் சொல்பவர்கள் நல்ல தெய்வத் தன்மை பெறுவர். சிவ சிவ எனும் சிவ பக்தர்கள் சிவவழி சென்று இறுதியில் சிவ பதம் அடைவார்கள். . 


சிவமே நான் என்று இடைவிடாமல் தியானிக்க வேண்டும். இடைவிடாத தியான முயற்சியால் தான் மனதில் எழும் ஆசை முதலான எல்லாப் பற்று களையும் அகற்ற முடியும். அந்த சிவம் நான் எனும் இடைவிடாத தியானமே நம்மை சிவமயமாக்கும் உபாயமாகும்.


இதுவே ஞான சாரம்:


தேகம் நாஹம்; கோஹம் ஸோஹம்.

சிதானந்த ரூபம் சிவோஹம்! சிவோஹம்!!.


பொருள்; தேகம் - உடம்பு, 

நாஹம் -நான் அல்ல.

கோஹம் - நான் யார்?

ஸோஹம் - அவனே நான்.


சிவானந்த‌ - அறிவானந்த வடிவான

ரூபம் - வடிவம்.

சிவோஹம்- சிவமே நான்.


இந்த உடம்பு நான் அல்ல. 

நான் யார்?

அவனே  நான். 

அறிவானந்த வடிவான சிவமே நான்! சிவமே நான்!!.


ஸ்தூல தேகம் சூச்சம தேகம் என பரு உடலையும் மனதையும் குறிப்பிடுகிறார்கள். ஸ்தூல தேகம் பஞ்ச பூதங்களால் ஆனது. அழியக் கூடியது. எனவே அது நானல்ல. எண்ணங்கள் தவிர்த்து மனம் என்று ஒன்றில்லை. 

இரண்டு தேகங்களும் நான்‌ இல்லையானால் பிறகு நான்‌ யார்? என்ற கேள்வி எழுகிறது.

அதற்கு பதில் அவனே நான்?

அவன் என்றால் யார்?. வேறு யார்?. எல்லோர் சிந்தையுள்ளும் நிறைந்திருக்கும் சிவம் தான் அவன். 


சரி. அவன் வடிவம் என்ன? 

அறிவானந்த வடிவம் சிவம். . 


சிவோஹம்! சிவோஹம்!

சிவமே நான்! சிவமே நான்!


“சிவன் அவன் என் சிந்தையுள் நின்ற அதனால்

அவன் அருளாலே அவன்தாள் வணங்கி” என்று மணிவாசகப் பெருமான் நம் சிந்தையுள் சிவம் நிறைந்துள்ளதை  நினைவு படுத்துகிறார். சிவன் நாமம் சொல்ல அவன் அருள் வேண்டும்.. 


ஆதிசங்கரர் அருளிய நிர்வாண ஷ்டகம் என்ற ஆறு பாடலின் முடிவும் சிதானந்த ரூபம் சிவோஹம்! சிவோஹம்‌! என்று முடிகிறது. சிவமே எல்லாம்.

எல்லாம் சிவமயம்.


நாம் எதை தியானிக் கிறோமோ அதுவாகவே‌ ஆகிறோம். சிந்தனை எல்லாம்‌ சிவமாக வேண்டும்.


அருணா சலசிவ‌ அருணா 

சலசிவ அருணாசலா!

அருணா சலசிவ அருணா 

சலசிவ அருணா சலா!!

         “ஓம் தத் சத்”

—----------------------------------------------!