Скачать или смотреть అపురూపమైన ఆరుద్ర ప్రసంగం | సమగ్ర ఆంధ్ర చరిత్ర | ఆధునిక కవిత్వం | Rare Audio of Arudra

Support Us UPI id - raghu.cdp@okhdfcbank

భాగవతుల సదాశివశంకర శాస్త్రి అంటే చాలామందికి తెలియకపోవచ్చు. కానీ ’ఆరుద్ర’ అంటే చాలు ఇట్టే తెలిసిపోతుంది. తెలుగు సాహిత్యంలో శ్రీశ్రీ తర్వాత గట్టి ముద్ర వేసిన మహాకవి, విమర్శకుడు, పరిశోధకుడు ఆరుద్ర. 1925 ఆగస్టు 31న విశాఖపట్నం జిల్లా యలమంచిలి గ్రామంలో జన్మించిన ఆయన, 1998 జూన్ 4న హైదరాబాద్‌లో మరణించారు.

విశాఖపట్నం A.V.N. కాలేజీ, విజయనగరం M.R. కళాశాలల్లో విద్యాభ్యాసం చేసిన ఆయన, క్విట్ ఇండియా ఉద్యమ కాలంలో రాయల్ ఇండియన్ ఎయిర్‌ఫోర్స్‌లో గుమస్తాగా పనిచేసి, తర్వాత సాహిత్య, సంగీత ప్రపంచంలోకి ప్రవేశించారు.

ప్రముఖ రచయిత్రి కె. రామలక్ష్మి వారి భార్య. ఆమెతో కలిసి తెలుగు సాహిత్యానికి ఎనలేని సేవ చేసారు.

'త్వమేవాహం' (తెలంగాణ పోరాట ఇతివృత్తం, 1949), 'సినీవాలి', 'కూనలమ్మ వంటి కావ్యాలు, 'ఉద్గీత', 'రాదారి బంగళా' మొదలైన నాటకాలు, నవలలు వ్రాసారు. కానీ తెలుగువారికి ఆరుద్రగారిచ్చిన అపురూపమైన కానుక 'సమగ్ర ఆంధ్ర సాహిత్యం. ఇది 14 సంపుటాలుగా వచ్చిన పరిశోధనాత్మక మహాగ్రంథం. ఈ గ్రంథ మాలికను వ్రాయడానికి ఆరుద్ర గారు పడ్డ శ్రమ, చేసిన పరిశ్రమ అంతా ఇంతా కాదు. అది కొన్ని దశాబ్దాల పాటు సాగిన అసిధారా వ్రతం.

ఒకవైపు సినిమా గేయ రచయితగా తీరిక లేకుండా ఉంటున్నా, సుమారు 4,000కు పైగా పాటలు వ్రాస్తూనే, మధ్య మధ్యలో అనువాదాలు, వ్యంగ్య వ్యాసాలు, చిన్న చిన్న పుస్తకాలు వ్రాస్తూనే మరొక వైపు సమగ్ర ఆంధ్ర సాహిత్యం పరిశోధన, పరిష్కరణ చేసారు.

తెలుగు సాహిత్య పరిశోధనా రంగంలో తలమానికమైన తమ "సమగ్ర ఆంధ్ర సాహిత్యం" ప్రయాణంలోని కొన్ని అపురూపమైన మజిలీలను, అనుభవాలను ఆకాశవాణి ద్వారా గతంలో పంచుకున్నారు ఆరుద్ర గారు. ఆ రేడియో ప్రసంగాన్ని మీకు అందిస్తున్నాం. వినండి.

#telugu #teluguliterature #తెలుగు #తెలుగుసాహిత్యం #తెలుగుసంస్కృతి #krishnasastri #కృష్ణశాస్త్రి #kavitalu #కవితలు #allindiaradio #telugupodcast #telugupodcasts #telugukavithalu #telugukavita #telugukavitalu #allindiaradio #akshavani #ఆకాశవాణి